السلام عليكم
شتل عنبر
بقلمي Wasan Alsaad
البارت ١١٧
.............
في قلب كل شتاء ربيع نابض، ووراء كل ليل فجر باسم.
— جبران خليل جبران
في وقت الضيق تكتشف النعم وتعرف قيمه الاشخاص والاشياء التي أنعمك الله بها
واهمها العائلة ....
الخوف اللي شافه اليوم محمد بعيون اهله عليه
حرص اخوانه ودعمهم وهم يحاولون يخففون عنه بنقل خبر فسخ الخطبه ، لو دموع امهاته وخواتها اللي يحاولن يخفنها كدامه ، اما ترحيب ابوه بيه وملگاه
خلنه يعرف انه بنعمه يحتاج يشكر رب العالمين عليها ليل ونهار
خسارتهم لأسمح الله هي الخسارة الجبيره اللي ما لها عِوَض
خوانه علي ومنصور اليوم مافاركوه خصوصا العصر رجلهم على رجله من شافوه
مبدل ويريد يطلع وهم متوجسين من هدوءه ومعروف لكل اليوم حفلة مهرها
وكل ظنهم يسوي شي مو بصالحه ولا بصالح البنيه
ساله علي
" وين رايح ؟"
جاوبه بهدوء
" للعشار ، ليش !"
رد عليه
" هيج ضايج وكلت اجي وياك تنتظرني "
كعد على القنفه ينتظر
" اكيد بس بسرعه "
وكف منصور
" جا حتى انه اروح "
تنهد
" ادري طالعين سفره لو ما تندلون درب العشار ويوميه انتم بيه
يله امشي بدل وخلصني "
وهم بالسياره ، علي يسوق ومحمد بصفه ومنصور وره
صاح علي
" الله واكبر ادري عفيه شمس الساعه بالسته وانتِ بعدج طايحه بالكاع
استغفر الله شويه ديري وجهج عنه رحنه ننصهر من الحر ولكم
شوف درجه حراره بره ماشرتها السياره ٥٢
جا بعز ظهر شكد ، حتى تبريد السياره ما يلحك "
اجاه الرد من منصور
" حبيبي هذا شقى ، تشاقه ويانه شمس تموز ورنه اب اللهاب وعندك الحساب "
منصور اشر براسه لعلي اللي يباوعله من المرايه
بان يخلون محمد يشترك وياهم ما يردونه يظل يفكر
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
