السلام عليكم
ملاحظه
هواي يدخلون خاص او يسالون بالتعليقات ان البارت يطلع عدهم غير كامل ناقص او قصير
أنا تعودتوا عليه ما اكتب بارت اقل من ٥٠٠٠ مرات اقل بشويه بحالات قليله والأكثر ٦٠٠٠ وفوك من غير حساب المقاطع الشعريه اللي بالبدايه لان اكو نماذج تحاسبني على الكلمه كانما
اجيره عدهم
فحبيت اكلكم ترى انا اخلي كلمه يتبع بنهايه كل بارت والحاله اللي تصير عندكم مو من يمي انا من انشر يجيني اشعار بنجاح النشر
اللي اعرفه وهو من معلوماتكم انه تمسحون القصه وترجعون تنزلوها من جديد
اما اللي بكل بارت ينزلن عليه علمود تاخر الوقت فأحب اكلكم اشو ما اشوفكم ولا اسمائكم الا وين البارت او شطلعت هاي
عمي بلغيني شكد دافعه اليه حتى أحولها الج على مكتب الصيرفه خاف تصير بذمتي
انا محدده ايام من البدايه جمعه وثلاثاء اما الساعه يمته ما اخلص انشر ماكو داعي للإلحاح والتجريح نعستي تقرينه باجر ما يطير واعتقد اغلبكم يسهر بدليل اكو قصص انتظروها للفجر ومحد تعترض شكد احاول أتجاهل هيج نوعيات بس الصراحه يدوسن بالبطن فوك
التعب والجهد والتفكير والوضع العام تجيك نفسيات ما اعرف بيش اوصفها
اسفه للاطاله واعتذر من اخواتي وليس متابعات
اللي مواكباتني ومشجعاتني من البدايه اذا كلامي بيه قساوه بس اكيد يعرفن منو المعني
تحياتي
ها وترى اكدر اخلي هذا بملاحظه مثل غيري حتى يزيد التعليقات والمشاهدات بس ماكو شي بعد يسوه هو عمر بني ادم صاير رخيص فوسعوا بالكم واقروا ها
.
..............................
شتل عنبر
بقلمي Wasan Alsaad
البارت ٩٦
................
چـنت اظنك
چـنت اظنك...
توگـــــــــف ابوجه الوكت ....
واتنشف الدمعه ابجفها
وا چـنت اظنك ...
بالمحبه الفاجده ,اوحنت لابنهه
ثاري ...
ســــــچـينه خواصر !
گـــطع الدال ,سنه
جاسي واجراحك ينزن ...
لو ردت ...
تنشدني عنهه
مادريت !..
المايهزها الريح ...
تالي يخف وزنها ..!
او مادريت ..!
اگـــلوب ...
بشطوط العشك
تركس لذنهه
حايــــــــــــــــــــــر ...
اعيونك الحلوة...
اعله اليود ...
صدهه اشلهلنهه
وانه ...
كل وني .. اوعذابي
لوعة بچـــلاي منهه
واعدت .. واتاملتهه ...
اوردت ...
اوخانت عهدهه
رگـطه ...
نفضت غيضهه
او طبت حفر ...
وامنت سدهه ...؟
ااااخ ...
يانسمة شبابي ...
الغربت ...
ياهو اليردهه ..؟
اوسمت اجروحي الچـثيره ...
او حاير...
ابيا صورة اشدها ...
عاد.يالچـتف روحي ...
ابسلسله جسرات ...
هدهه
لا تذوبهه ابلهيب اجفاك
من كونك تودهه
اوكافي ...
منبت ضيم صارت ...
عاد ...
خل تنجه بجردهه
عفيه روحي ...!
اشلون ؟...
طول اجفاك . ما فـگـدت رشدهه ؟..
وكحه ..
والوكحه طويلة بال ...
تتحمل وجدهه ...
ااااااااخ ...
ياروحي البعد هينوب . مايعدل غصنهه
ورطتني ...
ابزيد واعبيد ...
اومثل فص ملح . بالماي ظنهه
طاحت اباخر ردك ...
وتبرت الخلان ...
منــــــــهه ..
هاي روحي ...
الماتمل منهم ...
وبعد باتعس عسنه
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
