شتل عنبر

البارت الثالث عشر

السلام. عليكم. ورمضان. كريم على الجميع. 
الله يقدرنا. ويقدركم على صيامه وقيامه

شتل عنبر

بقلمي Wasan Alsaad

البارت الثالث عشر.

الدنيه  والعيشه. هواي. تبدلت عليه.  چني كتكوت طلع. من.  بيضته  وحضن امه. 
لعالم. غريب. عليه.  بيه هواي.  اشكال. وارناگ  بس ما معلمه عليهم.
صح.  المدرسه. وقراية الكتب  فتحت. كدامي.  أبواب. على. الدنيه.  بس بالخيال 
موش. نفس.  الواقع.

من تزوجنه انا وناصر. وسافرنه  لبغداد   هو احسه.  فرحان. وسعيد بهاي. الخطوه.  مثل. طير. محبوس. بكفص
وانفتحله الباب وحلگ  ويريد  مني انا. اللحيمي ( العصفور الصغير. الحديث الولاده. الذي لم ينبت ريش. على جسمه. لحد الان)   اجاريه  وافرح.  واتعلم. على العيشه.   وأسلوبها

ما انكر واگول ما فرحانه.  خلصت من. طلايب. كلثم. وغثت. قادر  وعايشه.  بيت. حلو. ومرتب.  ويه.  مريه جبيره   مسيحيه اسمها ام. كوركيس وهي من. الوحده اللي عايشه بيها
قبلت. تأجر. النه وياها.

البيت. جان من البيوت البغدادية.   بعكد. گريب من شارع. الرشيد.  النظافه والترتيب. هي  الصفه. السايده. بكل شي. يخص. ام كوركيس  من.  بيتها.  وحته شكلها. 

رغم.   ما تطلع من البيت الا.  تتسوك. او تواصل. الجيران.
بس دومها مهندمه.   ما تطلع من غرفتها.  بدشداشه.
الا لابسه نفنوف. لو.  قميص. وتنوره.    وشعرها.  مرفوع.  كله ليوره. كبايه.
  بس من تطلع. تلبس. عبايه الراس من سالتها كالت.
تربيت. بمنطقه بغداد شعبيه وتعودنه. على العبايه.   علمتني. هواي.   حتى بدون. توجيه. و حجي.  كنت. من كد. ما. أراقبها. اقلدها.  وهي.  اتاخذت.   إعجابي بيها. وتقليدي. الها وسيله. حتى تعلمني
هواي. أمور. أجهلها. عن الحياة.
حتى. طريقة كلامي.   بالتدريج. تغيرت.

تأثيرها. وتأثير. الجلسات النسائية اللي تسويها.   تقريبا ولا يوم. فرغ.  بيتها العصر من. الجمعات
وكل يوم. نسوان. شكل
يوم مثلها مسيحيات ومرات يحجن. بلغتهم ما افهم شي
ومرات. من الجوارين.    خلطه.  من كل نوع وشكل.
مثقفات.    وسفور. واكو. لا  بسيطات. واكو. متدينات   بشده
بس كلهن. من يحجن. ويعبرن. عن  أرآهن ماكو. تعصب  او وحده تفرض. رايها
على الثانيه. ما اكول.   أحاديثهم.  ما. تخله من  الجذب.  والتعالي.  
عكس جلسات. اهلنه البسيطه.   بس بكل. مجان. اكو. الصالح والطالح

انه دومي. أتفكر. بعيوني. واخزن بمخي  ما احجي  
مو ش ما اكدر. احجي مثلهن لو. اخاف احجي. بحجي اهلي. ويفشلني. لا
بس انه هذا. طبعي.  ساكته  وأحب. اسمع. وافهم.
صدك.  ام كوركيس. غيرت هواي.  من.  لبسي. وحتى.   علمتني. على الزواكه ولبس الكبكاب.
  وبإلحاح منها.   وناصر. فرحان لهذا التغيير. نزعت. شيله. راسي.
  بس. ظليت. البس. العبايه