شتل عنبر

البارت السادس

السلام عليكم

شتل عنبر

بقلمي Wasan Alsaad

البارت. السادس

واكف. بالجادة  ( الطريق ).  اللي. ياخذنه صوب السوگ. محتار ومحيرني زماني. الوكت.  اكثر من. ربع الليل

بس انه وصوت. الجلاب.   .... كل. ساعه. اتصنت.   بلكت اسمع.  صوت. خطوات. 
وين. علي الفحل ويچي سعد وجايب. خبر. عنه.    اذا طول. راح. اتهرفل. ( اتخبل ، انجن)
بس. سمعنه حسن اخوه.   شجايب من. علم  تحيرت. شسوي. ما عرفت. بس  اركض صوب.  السوگ
ما وكفت الا  بنفس مچاني ( مكاني). الواكف بيه. هسه  وسعد. تابعني ويصيح
" اگف. يا خوي. اگف  وين رايح "

گلبي يريد. يطلع. من مچانه   من. الخوف  ومن الركض
"  وين اويلي. بعد. غير اروح ادور. عليه  خاف. انه مصوب  ... "

چرني ( سحبني ) من ايدي  وكعدني.  على. جذع نخله مايله

" چر النفس. يا خليف.  واركد شويه.    لزم. تصير. گوي   وتتحضر. لاي خبر
انت اتناني هنا. وانه اروح صوب.  زلمه اعرفه.   وأجيب منه. الخبر. واروح. اتشمم. الاخبار بالمستشفى
   واذا. لا. سامح الله وياهم. حتى نخبر. عمي "

لزمته من. زنده
". خوي سعد. خلني امشي. وياك. شيصبرني.  "

" لا يا خلف هسه الشرطة.  منتشره. وانا شغلي بالسوك. وشغله. عاديه
اروح. باي وكت.  عبن.  احنه ماعدنه وگت للحمل.    بس انت.  يعرفوك طالب
وهم عينهم. على الطلاب. انوب.  جنه بواحد. نصبح باثنين .. انت بس.  اصبر. وانه ساعه زمان.
واجيگ "

يمكن. لو.  كارصني. عكرب. مو مثل.  الضيم. والولم ( الالم) اللي. هيسته ( حسيته)
وانه أتاني. خبر.   جن الوكت ما يمشي. وهذا هوا الله. شح عليه.
چن. شويه وتطلع روحي.  وانه حسبه  تغطني بنص. نهر. غميج  من. الأفكار. السوده
وحسبه تشلهني (  تخرجني من عمق. الماء) .....

أعاين. مره على الدرب.   ومره ارفع راسي لفوگ. الليله.   هندس ( ظلام حالگ). ولا لمعة. نجمه بيها

بيني وبين. روحي. دعيت. ربي

" الهي. يا واحد.  يا احد  يا عالي بلا درج.  اريد.  نويصر. منك. "

لهناك واهيس  خطوات جايه بهمه.  لحد ما تگرب.  لمحته. سعد.  جرني من ايدي.  نمشي سوه. وهو. ساكت

" شنهي السالفه سعد.  علمني. شنهي اللي وراگ  نويصر. بيه شي.  مصو..."

" اش اش. امش. وصم. حلگك. "

وصلنه. يم. مضيف عمامي. 

وكال فتحه وادخل

دخلنه.   وهو ظل يعاين. على المضيف. سالني. 
"وين. تنامون كل مره.  جيب الفراش  تعال وراي "

مشيت وراه واشوفه.  كوم. مخاد. بالطول. 
" اكلگ. فهمني. شنهي السالفه.  وين نويصر. حصلت. منه خبر. "