شتل عنبر

البارت. التاسع. عشر

السلام عليكم

شتل عنبر

بقلمي Wasan Alsaad 

البارت. التاسع عشر

مرت.  اسبوع.   على الاحداث. السابقه. .  بعد.  الحدث اللي صار. بالبلد ( انقلاب. او ما يسمى. ثورة ٨ شباط. ، ١٤ رمضان ١٩٦٣)

واليوم. اول. ايام العشره الاخيره     وذكرى. استشهاد.   امير المومنين. الامام. علي  ابن ابي طالب.  

رغم. البلبله اللي صارت     بس. الناس.  جلدها تعلم. على الدبغات . صار. قوي.  ويعرف  يتعامل. . ويه.   هيج. احداث. وتقلبات    

يايوم.  والعراق.   عاش. بهدوء.      ما اثر اللي. صار    على.  إكمال. حياتهم.    ولا خرب. أجوائهم. الرمضانية. ويمكن. لان.   بالعشره الاخيره. عدهم. حزن
يتناسب . ويه   الجو اللي ساد

الليله.  ليله. الجمعه.  والوقت.  اول العصر.     السوك.  يروش. بالناس.   اللي يبيع واللي. يشتري.
وأللي. مستطرق  جاي.  يكضي. وقت.  للفطور.

الدرابين القديمة.   متروسه. بالجهال. اللي تلعب.      جوكة تلعب. دعبل.
وجوكة تلعب. دوامه.  والبنيات ملتمات يم. بيبان البيوت.   و راسمات.  على. الصبابه.  
مجموعه. مربعات. يلعبن.  محلقيه ( طاق ، ربازه)
دخل. للدربونه ابو. الجرگ.     شايل. صينيه. على. راسه ويدور.
وهو.  ينادي.  على. بضاعته.    ( حار. ومختمر.  ... لحگ يا ولد.   هذا المسمسم. ... وعدنه. الخصم. ... ثوب. للأمير. )
  يمشي.  على كيف. وتجمعت. الجهال. عليه.     اللي. يريد. بدرهم. واللي. امه دزته. يشتري. على كد العائله
واللي يبجي. ويريد وحده.  وما عنده. فلوس ....

وهو. واكف. يبيع.  عبرت.    من.  يمهم.  مراه.   ثلاثينية.  نزلها زوجها. بدايه. الدربونه. لان.هذا حد. سيارته
وهي.  شايله.    علاكتها.  النايلون. الحمره.  اللي  مزرفه  بنقوش.   وبيها. عراوي ( مسكات ، يدات)  حتى. يسهل. حملها. بالايد. لكن. هي. وغيرها من. النساء. ما يحلو. الهن. الا. يشيلنها على الكتف  بكل. بيت. موجوده. ومعلكه. بركن من اركان. المطبخ  
محملتها.  فاكهة. الموسم  وخضره. ومركبه. جدر.  مطبگ دجاج.  وريحه. الحشو. والبهارات.
   تجيب التايه. وتسيل. اللعاب.    وبصفها. يمشن. بناتها.     وبالايد الثانيه ماسكه ابنها.  الصغير. 
وصلت. يم. باب.   البيت.  قبل لا تدكه. انفتح الباب. وطلعت.    ام خلف من خلفه. وهي. 
تريد. تنادي على    بياع الجرگ
" هلا يمه وفيه كواج. الله.  تاخرتي.   لدالي ( حسبالي ، كل ظني).  تچين.  هرفي (. مبكّر ).   من الصبح.  وتعاونين. نسوان. اخوج. تدرين. اليوم.  عدنه ثواب. الامير. واخوج عازم. على الفطور "

نزلت   حمل. العلاكه عن كتفها.  وبوست. امها

".   الله يكوي حالج يمه.  ٠جا. غير.  عندهم دوام.   و ماكدرت. اجي  ... هسه. ادخل.  اعاونهم. وانتِ  وين. راشده ( قاصده. ، متجه) "