السلام عليكم
شتل عنبر
بقلمي Wasan Alsaad
البارت ١١٠
.....................
ماذا لو أخبرتك أنگ
بمثابة مطلع الفجر الاول
لتائه قد خاف العتمه .....
زينب اللي بوقت من الأوقات وبسبب غلطه هي مالها ذنب بيها
حست ان حياتها انتهت وراح تعيش بالعذاب الدائم
من جهة زعل اخوها وغضبه عليها ومن جهة خوفها لإيهاب اخذها ترضيه لجدها وشفقة بحالها بأيام ازمتها كانت امها دائما تردد هاي الايه القرانيه يم راسها
" فأن مع العسر يسر ، ان مع العسر يسر "
لكن وعد الله حق حياتها مع ايهاب هي اليسر اللي ماكانت تحلم تعيشه
طول حياتها واكتملت عائلتهم الصغيره بوجود بنونه اللي قبطت السنتين
وهسه بالثالثه وأموري اللي بدا بسنته الثانيه
فرحتها كبرت وهي تشوف اثنين من خواتها بطريقهن للاستقرار
واخوها تصالح وياها والحمد لله وكملت اليوم وهي تعرف بحملها الثالث
وتريد تحضر مفاجاه لإيهاب مستغله فراغ البيت
بعد ما عمتها والجهال راحو يم بيت زهير لكن دكات الباب اثنتها تكمل تحضيراتها
طلعت وهي كل ظنها اطفالها وبيبيتهم رجعوا
فتحت الباب واتفاجات بالواكفه صفنت بوجه
نفسها ما تغير شكلها بس مبين عليها التعب والحزن اللي تعكسه ملابسها
السوده وبيدها طفل تقريبا بنفس عمر امير
سمعتها تسلم
" شلونج زينب ، احوالج "
بفرحة ارتسمت على وجه
" انتِ يا غيداء ولج والله ما صدك يا بذات "
وأخذتها بالحضن
" تعالي تفضلي يا هلا زارتنا البركه "
دخلتها للاستقبال وكعدوا
اخذت ابن غيداء وكعدتها بحضنها وبوسته
" الله يحفظه شسمه "
جاوبته غيداء وهي تبلع ريك
" عباس "
ردت عليها
" الله يحفظه ويخليه بس هو لو عنده اخوان "
فرت دمعه من عين ام ملكومة
" اكبر منه ابنيه رقيه بس راحت اختارها رب العالمين جواره "
تقربت منها تواسيها
" الله يرحمها حبيبتي ويصبرج ويعوضج "
استأذنت منها حتى تضيفها الا ان غيداء مسكت ايدها
" كعدي زينب أنا عندي كلمتين واروح ، بيوتكم كلها كرم مثل نفسياتكم
ما جايه اجربج "
كعدت زينب
" خير ان شاء الله "
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
