السلام عليكم
ملاحظه البارت اكثر من ٥٢٠٠ كلمه توضيح لليتهموني بالتقصير كتبته خلال خمس ساعات
لعيون الحبايب
عذروني على الاخطاء بسبب الاستعجال والسرعه بالكتابه
شتل عنبر
بقلمي Wasan Alsaad
البارت ١٠١
# لكل شئ ثمن ، وكلما عز المراد ، ارتفع الثمن
الدكتورة رضوى عاشور
...............
بوسط محاولات خلف ان يوعي فرح اللي تهذي وتتراجف ، دخل عليهم زهير يركض بعد ما بنين راحت وبلغته
سالهم والخوف والقلق مبين عليه
" شبيها فرح "
اجته الاجابه من نهله
" ما ندري شخيرها صارها مدة تتراجف وهسه صخنت "
تقرب منها ولمس كصتها وهي ما زال راسها بحضن جدها
رفعها من سريرها وشالها بين ايديه وهو يصيح بنهله
" تعالي وراي "
خلاها تحت الشاور هي وملابسها وفتح على المي بيه خط بروده
وظل يجري من راسها لأخمص قدمها
انتبهت و زهير طلب من نهله تنشفها وتبدل ملابسها
حتى ياخذها للطبيب
بعد ما فحصها الطبيب بدا يوضح لخلف وزهير
" حجي بنتكم ما بيها شي عضوي يعني ما عندها نزلة برد بحجينه نشله جايه من التهاب مكروبي او فايروسي هاي تحليل كدامي هيج يكول
بس الظاهر هي بحالة صدمه الانسان من يخاف او ينصدم بشي عقله يصدر امر للجسم ويجعله يتصرف كانما كاعد يواجه مرض
فأنتم شوفها من شنو خايفه الصراحه انا وما اخفي عليكم خفت لا البنيه متعرضه
لعنف اسري وطلبت من الممرضه تشوف اذا اكو على جسمها اثر ضربه او كدمات
اكدتلي سلامتها من هذا الشي ، حاليا انطيته إبرة خفضت من حرارتها
وبعد الها أبره ثانيه بس نصيحه احذروا تكرر الحاله عندها من جديد اسم الله عليها يسبب الها صرع وعندها العافيه
تشكروا منه وطلعوا كانت كاعده و مستنده بحضن عمتها نهله
" هاااا بشروا "
أنت تقرأ
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
