السلام عليكم
وصلت وياكم لهذا الحد البارت يقرونه يوصل ل٥٠٠٠ والتصويت لو كتل روحه ٥٠٠
لا احلل و غير مبري الذمه كل شخص يقرا تعب لساعات اكتب وغير تعب العيون وجهد التفكير وقت مأخوذ من أسرتي وما يصوت
ما يعجبك تصوت لا تقرا
ما اعتقد الضغط على النجمه راح تسبب فد مشقه جسديه او راح تخسر فلوس
مجرد دعم للكاتب
...............................................
شتل عنبر
بقلمي Wasan Alsaad
البارت ٨١
..................
غدًا تصير الحقيقة خيالًا واليقظة حلمًا،
فهل يكتفي المشتاق بعناق الخيال
ويرتوي الظمآن من جداول الأحلام؟
جبران خليل جبران
( الأجنحة المتكسرة)
.....................
القدر لا يباغتك مرة واحده بل يعطيك إشارات ، ينبهك بكلمه او تصرف
بانك ضمن الخطر ، لكن الخوف من المجهول والثقه العمياء
التي نمنحها لمن نحب يجعلنا غير قادرين على استيعاب الخطر
اعلموا ان انفجارهم ساعه المناقشه ثم سكوتهم المفاجى لا يعني الاقتناع
اعلموا إنكم مهما أحببتم واعتقدتم إنكم تعرفون المقابل ، فهذا هراء
.......
حيطان الغرفه دارت بيها وهي تسمعه ينطق كلمه " سفر "
ابتسمت وبعدين ضحكت وبالاخير كدام نظراته إلجاده سالته
" منذر انت تحجي صدك لو تشاقه؟"
لزم ايديها وهو يفرك بأناملها وعيونه ونظراته بعيده عن المزاح
" لا طبعا يايوم اتشاقيت بهيج مواضيع "
وكفت على حيلها مثل الملسوعه
" لا لا انت اكيد لو مصخن لو صاير بدماغك شي
منذر يا سفر لو لان سمعت بأحمد سافر ترى حصل عقد هو وزوجته ما راح للمجهول او هاي الشباب تريد مثل امجد وغيرهم يحجون بالسفر هذوله بطرك ارواحهم
بس ا حنه وهي تأشر على بناتها ... عدنه جهال ومسؤوليات "
بهدوئه الجاد اللي يقلقها من يظهر سحبها من ايدها وكعدها
" اكعدي فاطمه وسمعيني زين ، الكلام اخذ وعطا واحنه كاعد نتناقش يا تقنعيني بمّبررات
مقنعه لكن بعد ما تسمعين مني للنهايه
فاطمه سمعيني كلش زين انا اللي افكر بيه بالدرجة الاولى لخاطر البنات
اي لا تباوعين هيج اكيد بالبدايه طريقنا صعب بس مو مستحيل
أنت تقرأ
شتل عنبر
أدب نسائيقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
