شتل عنبر

البارت ١١٦

السلام   عليكم 

شتل عنبر

بقلمي Wasan Alsaad

البارت ١١٦

..............................

"الثقة أسمى مراتب الحب، أن تثق بشخص يعني أن تعطيه بلا تردد مفاتيح قلبك."

جبران  خليل  جبران

"الحب هو أن لا أعزلكِ عن العالم .. الحب هو أن أترككِ بالزحام و أعلم تماماً إنَّ قلبكِ لي"

- محمود درويش

.................

بمكان   غير بعيد  عن الاحتفال    ومكان  وجود الرجال وهو   ديوان   حجي  خلف 

باحد  اركان  الحديقه    او  الممشى التابع للديوان 

كان  محمد    من شدة  توتره  بعد    ما   انهى مكالمته مع   سارة
مخلي وحده  من  ايديه  على  راسه  والثانية   منتجي  (  متكأ)    فيها  على   السياج   ورأسه   ونظره    للأرض   وهو  يحس   بسبب  اضطرابه  
برخاوة  الارض   من  تحته    كأنها   تمثل    علاقتها   بيها 
كل   ما   يكول  هانت  وراح   تندعم بمتانتة  حلال  الله ،    هاي   العلاقه    اللي   نبنت   من  جانبه    بالحب   اللي    يغفر    ويغض   النظر   عن    هواي   اخطاء   بالمقابل   ومن  جانبها    ما  ينكر    محبتها   لكنها   مستغله   حبه    بمد   وجزر
من    التقلبات    مالها    مبرر  ولا  تفسير     ايام     كأنها   لا  أبالي    وباردة 
وتدور   على     العرك      دواره     وراها   ترجع   تبجي   وتعتذر   وتتوسل

عقله    يشككه   بيها   وبتصرفاتها   خصوصا  من   يذكر    السالفه  اللي  حاولت   تحبكها   على    فرح     ،  هو   من  يومها    عرف   ان   بيها  خصلة  الكذب   وتتحايل    لحد  ما  توصل   لهدفها

لكن   گلبه   يرجع    ويبرر انها    صغيره   وما  تعرف  تصرف  ومن  محبتها  وغيرتها   عليه    خلاها    تغلط   هيج   غلطه 

صراعه  الداخلي   قوي    بس   لازم  يكمل  مشواره  وياها   مو   هو   اللي   ينكث   وعده    اهله  ما  ربوه   هيج   ولا    يتحمل  ملامة  او   شماتة   احد 

طلع   علي  من  الديوان   يدور   عليه    تلفت  لحد  ما لمحه

" انت  هنا    وانا  ادور   عليك   يامعود   أبوي  كل  شويه   يسال  عليك    لو   يعضلي   شفه   ومن  حدر   سنونه  يكلي   وين  اخوك   ليش  مخلين  الغرب  
يقصد   على   صحبان     أزهر   هم  اللي     يعزبون 

وضع   ايده   على  كتفه  وحاول  يدوره   عليه  لكنه  أنصدم   بيد  محمد   اللي   بعدت  ايده   وهو   يجاوبه