السلام عليكم .... سلام الختام
شتل عنبر
بقلمي Wasan Alsaad
البارت ١٢٠ الاخير
گبل حلوه الليالي لمن جنه
سوه ، ولو ردنه ناكل لمه جنه
السعد بيرغ سعدنه لمه جنه
مرس عوده وخذاه من بين ايديه
*********
اعوذ من الخطى بهل الكسل خمسه
من أذم هذا الزمان البيه رده و خسه
گبل آه يا گبل يختلف عن هسه
گبل چان الولد ما ينسمع حسه
آذا يكعد ابوه بمحفل وجلسه
وگبل يتحير التلميذ عليه لو مر اللي مدرسه
وكبل لو مر عليگ العوز أخيك چدرگ يترسه
وكبل لو سافرت لبعيد بيتك جارك يحرسه
وكبل تطلب هدم من عنده وتلبسه
گبل اه يا گبل و شكثر بيه ونسه
گبل ماكو غدر لا بوك لا علسه
گبل لو حجه الشيخ الطايفه خرسه
وگبل لو هوس المهوال چن واكف فريضه گبالك تحسه
وگبل حلوه السوالف عدنه
واكو شياب تكشر بالحجي وتفلس تفلسه
وگبل جانت الفطره وجان راحة بال
ورغيف الخبز بميه نغمسه
وگبل حتى العشگ سلطان تصلي عليه وتقدسه
.....................
في أوقات الفراق تصبح الرسائل والمكالمات بين المحبين كالضريع لا تسمن ولا تغني عن جوع
فقط تزيد نيران اللهفة والإشواق ، كحبة المسكن لا تطيب من السقم ولا تشفي جرح
فقط تمنحك ساعات من الراحه الزائلة وتعلمك ان طريق الصبر أمامك ما زال طويل
دقات قلبها دكت طبول الحرب
حرب ضارمة بين لهفتها لسماع صوته تبرد بيها نار أشواقها و بين محاولتها التماسك
وان ما تظهر ضعفها كدامه وتأذيه بدموعها
" أزهر شلونك كتمت عبرتها بيدها وجرت نفس عميق بعيد عن السماعه
وردت ، بشرني صحتگ شلونها الحمد لله على سلامتك ما قصر رب العالمين
من نجاگ وان شاء الله يكملها علينا وترجع النه سالم حبيبي "
جاوبها
" الحمد لله على كل حال بعدني تعبان المهم الطبيب طمني
بس بنين الطريق ورانه طويل ومتعب يله اتشافى وننجمع سوه "
سمعته يتأوه ويطول سكوته بين كلمه وكلمه يجر النفس
جاوبته
" على كيفك ويه روحك ازهر لا تحجي المهم اسمع انفاسك
والحمد لله من طمنيت عليگ بخير خليني بس انا احجي
لو تدري شكد فرحتني وريحتني من سمعت صوتك
ولا تهتم حبيبي ولاتفكر انا واولادك بخير ما طولك انت سالم وبخير
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
