السلام عليكم
شتل عنبر
بقلمي Wasan Alsaad
البارت ٧٥
" لعلنا خُلقنا لنظل هكذا خطين متوازيين
يعجزان عن الفراق وعن التواصل ، ولن
يلتقيا الا إذا انكسر أحدهما "
غاده السمان
.................................
من أكبر اخطاء بني الانسان انه يضع سعادته وحياته مرتبط بوجود شخص ما في حياته
متناسياً اننا في هذه الحياة مجرد عابرون ... لا شي ثابت .. ولا شخص يدوم
فليس هناك شعور مطلق بالسعاده ولا التعاسه
يجب ان تجرب المر لتستذوق طعم الحلاوه ... يجب ان تشعر بالم السقم لتعرف اهميه العافيه
وكذلك يجب ان تعيش الخوف لتميز اهميه الامان .....
نهاية شهر تشرين الثاني
بغرفتها بيت اهلها اللي قبل لو احد تنبأ الها انها راح ترجع الها وبهاي حالتها
وحيده وتبث الحيطان انكسارها كان استهزأت وضحكت
وجوابه يكون (بالاحلام ما تصير ما اترك بيتي وكياني لو مهما صار ) لو مهما صار لو مهما صار ترددت هاي العباره بدماغها اكثر من مره
والصار هدم معنى البيت بداخلها لانه مو بمحتواه المادي مجموعه حيطان ،
البيت محبه وثقه وامان وسكينه كلها كانت تتمثل بشخص بالنسبه الها
انسلب منها البيت والكيان وتحقق اسوء كابوس
تنهدت وهي تحاول تخرج تفكيرها من كل هل الامور تعبت من التفكير والاحتمالات
وبالنهايه شنو الحياة كلها تمشي بره هاي الجدران وهي كاعده بداخلها
وحاطه ايدها على خدها وتتفرج على الايام اللي تسرب بين ايدها مثل المي اللي يتسرب بين
الاصابع
فززها صوت ازهر ابن اخوها وهو منحني يطوخ على تنقيط درس القراءه اللي كتبته نهله بأسلوب التنقيط حتى تتقوى ايده هو ايهاب
كانوا كاعدين على جانبيها ايهاب على اليمين وأزهر على اليسار
" هسه احنه شعلينا الا نكتب من دق بابنا ؟ قدوري دق بابنا ما يكعد بيتهم ويهجع "
ضحكت نهله على اُسلوب ازهر اللي هو وإيهاب السنه داومو صف اول وسجلتهم وياها بمدرستها رغم هي مدرسه بنات بس اكو استثناء من التربيه لأطفال المعلمين
سالته
" ههههه اكتب وانت ساكت ترى ست فضيله تخليك تعيد كتابه الدرس عشر مرات على الصبوره اذا شافتك ما كاتب عدل بعدين هاي منين سمعتها يهجع"
أنت تقرأ
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
