السلام عليكم
شتل عنبر
بقلمي Wasan Alsaad
البارت ٧٤
قال الامام علي ابن ابي طالب ( عليه السلام ) في الصبر
لاتجزعن اذا نابتك نائبة
واصبر ففي الصبر عند الضيق متسع
إن الكريم اذا نابته نائبة
لم يبد منه على علاته الهلع
وقال ايضا سيد البلغاء سلام الله عليه :-
الصبرُ صبران : صبرا على ماتكره ، وصبر عما تُحب .
............................
مازالت ذاكرة نوريه تصور بدقه لهيله ما جرى بالتحديد خلال الفترة المحصوره بين شهر نيسان ( ٤) الى تشرين الاول (١٠) ١٩٨٩
صوت دكات على الباب الخارجي قطع الكلام الدابر بين زهير وخلف ، بعد ما دخل زهير
واعلم أبوه بهوية الطارق
" يابه هذا حرس الفرقة الحزبيه يكول مطلوب حضورك يمهم حالاً"
خلف اللي كان كاعد الكرويته ومدنك راسه وأيده على كصته رفع وجه لابنه بنفس الوقت اللي طلعت شهكة من نوريه
" ليش يمه ما سالته شيردون منه "
وكف خلف على رجليه والإنهاك مبين عليه
" هسه اروح اشوف شوراهم بعده الحرس واكف بالباب "
جاوبه زهير
" لا يابه انطاني ورقة التبليغ و مشه "
شال بشته المطبك وخلاه على ايده
" جيب الورقه يالله ياكريم "
تحرك زهير والتفت عليه خلف
" وين رايح ظل ويه امك خاف يصير شي لو يوصل خبر مِن الجهال "
جاوبه زهير
" لا يابه ما أخليك رجلي على رجلك "
خلف ساله
" وأمك منو يظل وياها"
ردت نوريه
" مالك شغل بيه جاي الحيطان تاكلني قابل خليه يروح وياك
وان شاء الله تردون سالمين وياكم خبر عن الفروخ كلبي يكلي ما يباتون بره يردون لحضنه مودعين بالرحمن "
طلعت وراهم وسدت الباب ودموعها تصب وراهم وهي تأمنهم عند من لا تضيع عنده الودائع
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
