شتل عنبر

البارت ٨٠

السلام  عليكم

شتل  عنبر

بقلمي Wasan Alsaad

البارت   ٨٠

"تعلم الصبر
فليس كل يوم  رائع
والحياة ليست  دائما كما  تتمنى "

منقول

..............،.......

غرف بكفوف  ايديه   المطبوكة سويه  تحت   حنفيه  المغسله
ملئهما  ماي  وقذفه  على وجه    وعاد الكره  مرة  ثانيه  
وهو يتأفأف  من   الصابون  اللي   مايطلع  رغوه  بسبب عسر  وملوحة الماي
هاي  مشكلة  انضافت   الى  مشاكل  البصريين  وهو  زياده
نسبة   الملوحه  بالماي  بحيث  العالم   بطلت  تشرب  ماي  الحنفيات
وبدات  معامل  الدوله  اللي  عدها   وحدات  تحليه     تبيع  ماي 
المسمى  R-O

رفع   راسه بعد  ما   غسله  جوه  الحنفيه   نشف شعره  وجه  وزاح المنشف  عن  وجه
وصار   مقابل  للمرايه  الصغيره   المعلقه  فوق  المغسله  وعليها   مثل  الرف   فوكه   مشط وكلاص  بيه    فرش أسنان   ومعجون  أسنان  شبيه  بالجص    فكاموا  يستغنون عنه  واستبدلوه   بالملح

عاين  باهتمام   لوجه  والتغيرات  اللي بيه 
واللي  أهمها   خط  الشعرات   اعلى   شفتها  العليا   اللي    متغير  لونهم عن  لون  شعره  الأشكر  وصايرات  لونهم  اطوخ   وهن  اللي  يمثلن  نواه   لشاربه  بالمستقبل

كم  حبه   متناثره  على جبينه    عيونه  اللي هي مزيج  من عيون ابوه  العسلي الفاتحه او الصفراء  وعيون  امه  الخضره  خله  قزحة  عينه مزيج  فاتح  بين  هل  اللونين  تتغير  وتنعكس   حسب  الالوان   اللي  يلبسها
لون  بشرته  البيضه  المشوبه  بالحمرة  مثل  امه ، لكنه  اتمنى  انه ماخذ  قليل من  خمرية بشرة  ابوه

ولا  واحد   يستهزأ بيه  مثل  اول  ما  دخل   المتوسطه   بان  شكله   قريب  على  البنات  بس  ناقصه  يطول  شعره   كان  يرد  ويجاوبهم   مثل  ما  امه   تعلمه  ان  الرجال مو  بشكله  بأفعاله    بس 
اه من  المراهقين  وعالمهم   وطرق  نزاعاتهم   اللي  تجبر  شخص  مثل  حسين  مؤدب   وخلوق مع كل  اللي  يحترمه  ذكي  وأشطر  واحد   بصفه  ويساعد  الكل 
لكنه  ينقلب  نمر مفترس    اذا  واحد     كله  "  ابن  امه "  او  العبارة  اللي  انتشرت   بسبب المسلسلات   المدبلجة  (  كيكي)  وشكد   تعارك وتضارب  خارج  المدرسه  ويه  هيج  نوعيات  وأغلبهم  اكبر   منه
او  مجموعه   ويدورون  عليه   ويجي   لامه  ملابس  مشككه  او   وجه  مضروب 
وهي  من  خوفها   تظل  توصيه  يتركهم   وباجر   تروح   للمدرسه  تشتكي  عليهم 
وهذا  كان  يخلي   حسين  يثور  اكثر   لان  معناها   يتهمونه بالجبن
وهواي  كانوا هو  وامه    يختلفون   على  هاي السالفه  هي  كانت  تفكر   بتفكير   التربويه  اللي  تتبع   المسارات  والقوانين  اللي    تربوا  عليها   وهو  يريد  يتصرف   بطريقه  ابناء  جيله وفكرهم