السلام عليكم
شتل عنبر
بقلمي Wasan Alsaad
البارت ١١٤
" وكل شيء بحثتُ عنه وانتظرتُه هو أنتِ"
..............................
عندما تداعب خيالنا الأمنيات ، يصبح كل شي حولك جميل حتى غلظة روحك
تلين ....
لكنك تبقى انسان تتأمل وتحب وتحلم وعندما تجد احلامك تتحق أمامك بهيئة بشر
تخاف وتتردد وتكثر التحليل والتفكير خوفا من المجهول ....
شهر الخامس من سنة ٢٠١٣ وبداية شهر المراجعه
كان ممتد على القنفه بالهول ومخلي ايده على عيونه
ينتظر فرح تكمل حتى ياخذها ويرحون لمعهد دروس التقويه
اللي سجل بيه وياها ويه بنين
رغم ضيق وقته وكثرة أشغاله والكل مراهن انه يترك موضوع الدراسه على النص
بس هو كان عند حسن ظن امه والوعد اللي انطاها اله
كان ماخذ الموضوع بشكل جدي ويدرس وياخذ دروس ويه الطلاب الأصغر منه عمر
سمع خطواتها تقترب منه
" يا الله نايم وكت نوم هسه راح يفوتنه الدرس ، أزهر .. ازهر "
صاحت عليها امها من المطبخ
" على كيفج ويه اخوج مو جنج غاره "
رفع ايده
" ما نايم خبصتي الدنيا كاعد انتظرج منو اللي ماخرنه غيرج
يله تحركي كدامي هم حظي هذا هو غير من گلة الخيل
شدوا ... يله ما أكمله احسن واجرح احساسج
لو غفران هنا انتظر منج شي بس اخ راحت حزام الظهر "
هزت ايدها
" هسه طلعت انا كخ "
هاي النكره كلها وهم يمشون طالعين من المطبخ للكراج ودعوا امهم
بس خطى خطوه خارج باب المطبخ أتفاجأ باللي واكفه يم سيارته
بنفس طلته وهالة البهاء اللي حولها ما يعرف بس هو يشوفها هيج لو الكل
كأن العباية انولدت وهي لابستها عكس الصعوبه اللي يلاقونها بنات جيلها من يلبسنها
وحاضنه كتبها لصدرها ومدنكة تنتظرهم
رفعت راسها من حست بيهم ورجع اله ويه رمشة عيونها احساس الربكه اللي تصيب دكات كلبه مصحوبه بفرحة شوفتها
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
