شتل عنبر

حوار

السلام  عليكم

السلام  عليكم ...

اليوم  حبيت   اجري   وياكم  هذا  الحوار   اجيب  فيه  على  بعض التساؤلات   المتكرره   حتى   يكون  الجواب   موحد  للكل

هواي اشوف  بالتعليقات ربما  مو   سوال  لكن   كرد  فعل   عاطفي  من  البعض  لحماسه  مع  الاحداث

"  ليش خلف  ظل  متحمل  سعده  وما   طردها   وذبها  بالشارع ؟"

الصراحه  ، أتفاجأ  من  هيج  رأي  واعرف  انه    جاي من  رد  عاطفي  متحمس 

لان  لا  المنطق  ولا  الدين  و الاعراف  ولا  الواقع  الاجتماعي  يتقبل  هذه  الفكره

وايظا   ما الوم   اللي  يفكرون  بيه  لان  الاغلبيه  تقيس
على  واقع  وأخلاقيات   المجتمع   بهذا  وقتنا  اللي
كمنه نسمع  بيه   بالعجائب 
اولاد   يلقون  باهلهم  بالشوارع 

ورجال   يلقون   بزوجاتهم  وأطفالهم   ويتركوهم   للمجهول  

هذا  الشي  موجود    وما  ننكره

لكن   اللي  معاصر أخلاقيات  الجيل  السابق  واقعهم 
وخصوصا   البيئة  العشائرية  راح  تعرف 
هذا  الكلام  مايصير  واصلا  عيبه  على  اللي يسويها

ليش هسه  تكولون  وخصوصا   من  عمايل  سعده

جوابي   قبل  البيوت  وحيطان  البيوت   وقلوب  الناس
صناديق  حديديه  مغلقه 

ماكو   مراه   لازمه  التلفون  وتكتب  مشاكل   بيتها  وحياتها   بالتواصل  الاجتماعي

ولا  اكو   رجال  يكعد  ويه  جماعته  بالكهوه  او  بالديوان  ويحجي عن  حياته  داخل  البيت  ومشاكل  اهل بيته 
البيوت  كان  الها  حرمه

وسعده   خلال  فترة   حياتها  وياهم  كانت  شخص  مبهم   ما معروفه  بين  الجيران  فقط  الاقارب  يعرفوه  وشايفيه   لان ما تطلع  
الناس  الها  الظاهر    ،  والكل  محد  شايف   زوجات  حجي  خلف

بحادثة  الفضيحة  اللي  سوتها   ياله  العالم  سمعت  صوتها  او  شافوا  شكلها  بعدين   الناس   مايعرفون  شنو دافعها  او غايتها  فالكل  عبالهم   واقصد  الجيران
من حركتها على بنتها

بعدين    شرعا   المراه  ولي  امرها  اما  ابوها  او  جدها  او  عمها  المباشر   او  خالها  المباشر    او   زوجها  او  اولادها

اولاد  عمها   ما ملزمين  بيها   لا  شرعا  ولا  عرفا 
يمكن   بغير  حالات   مثل  كلثم   ابن  عمها  وأخو   زوجها  ملتزمه  مروءه  منه  ولان  كلثم   انسانه 
طبيعيه  ما  عندها  المشاكل   اللي  تثير    الكراهية
وتخليها  منبوذه  من الكل  مثل  حالة  سعده