شتل عنبر

البارت ٨٦

السلام  عليكم

شتل عنبر

بقلمي Wasan Alsaad

البارت ٨٦
...........

بسم الله الرحمن الرحيم
وَيْلٌ لِكُلِّ هُمَزَةٍ لُمَزَةٍ ۱ الَّذِي جَمَعَ مَالًا وَعَدَّدَهُ ۲ يَحْسَبُ أَنَّ مَالَهُ أَخْلَدَهُ ۳ كَلَّا لَيُنْبَذَنَّ فِي الْحُطَمَةِ ٤ وَمَا أَدْرَاكَ مَا الْحُطَمَةُ ٥ نَارُ اللَّهِ الْمُوقَدَةُ ٦ الَّتِي تَطَّلِعُ عَلَى الْأَفْئِدَةِ ٧ إِنَّهَا عَلَيْهِمْ مُؤْصَدَةٌ ۸ فِي عَمَدٍ مُمَدَّدَةٍ ۹
صدق الله العظيم

.................................

الباب   الحديدي  الخارجي    المعاد صبغه باللون    ابيض والنقشات  اللي   بيه   مصبوغه باللون  الماوي
مفتوح   على  مصرعيه   و الطارمه اللي    اختلط   بيها  لون   السخام   والمي  والتراب  نتيجته صار  طين 
من كثرت  الأقدام  اللي   دخلت  وطلعت  تساعد .....

المشاهد    لمنظر    بيت  خلف  من  بره  يشوف   الدخان     يطلع  من   الغرف  الفوك 

طلع  حسين    يوصل   اخر  جار    ساعدهم     بإطفاء  الحريق  وفصل  الكهرباء

طلع من  باب الهول ريسان  وراها   ازهر  وجوهم  كلها  سواد     وهم    يسعلون من   الدخنه الجوه  

بنفس الوقت  انفتح  الباب  الجانبي  بين  بيت  خلف  و اخته  وفيه  واجت   فاطمه   مهروله  ودموعها  تجاري وهي     تصيح  باسم   ازهر

"   ازهر  ولَك  يمه  ازهر  ،  يمه  ابني  ما  شفته ويه  الواكفين "

ازهر  من كد  ما  مختنك  ومتشحط  بلعومه  ما  كدر  يجاوب 
جاوب  بدل  منه   ريسان

"    هذا  هو  فاطمه  ما بيه شي  بطل   أزهر  "

اقتربت   يمهم    من  شافته   ركضت  عليه  وحضنته   وهو   مستحي  من  خاله  ومن  حسبن  ويحاول  يبعد  عن  حضنها ويكلها

"  يمه   انا  زين " 

"  يمه   الحمد  لله    ،   دمي  نشف   ما  صدكت  ليمته  اختك  سكتت من  اليجي  واجي   اشوفك "

التفت   على  الواكفين  شافت  ريسان   وحسين  وسلمت
"   عذروني   ما  سلمت  ،   شلونك  خاله  حسوني   كواكم  الله    شنو   الخساير  فوك  ،  يله   الخساره  بس  بني  ادم   العوض   بالله "

جاوبها  حسين   
"   الحمد لله  على كل حال    غرفة  ام  منصور  صارت   رماد   والنار طلعت  بس شويه  بره   بالممر     الف  مرة  رحمه  لوالدين     ولد  بيت  ام  جمال   هم  اللي   لحكوا من  البدايه  وطفوها  والا  جان  اكلت كل  الفوك   ونزلت حتى   جوه