السلام عليكمشتل عنبر
بقلمي Wasan Alsaad
البارت ٨٤...............
مَا كلُّ ما يَتَمَنّى المَرْءُ يُدْرِكُهُ
تجرِي الرّياحُ بمَا لا تَشتَهي السّفُنُابو الطيب المتنبي
***********************
اذار ١٩٩٥
لازم بيده فارة النجاره وهو يعاين على باب بيتهم الداخلي الخشبي المبوط ومحكوك من جوه موضوع أمامه على طاولة
الشغل بطارمة بيتهمعيونه تلمع لهفه وهو يشوف كل أدوات مهنته ومهنة اخوه القديمه منتشرة كدامه ويه اللهفه اكو خوف ، خوف لا ايده نست وتيبست مثل عضلات وجه وما يكدر يحرك الفاره على خشب الباب
رفع راسه واذكر كلام خالد اللي خلاه يخطو هاي الخطوه
من زاره قبل ايام وشجعه وكان نص كلامه" ريسان لا ظل حابس روحك بالخوف واجه يا اخي خلي العالم تشوفك مرة مرتين ثلاثه يكولون خطيه وراها يتعودون
وانت تتعود بس اذا أظل كاعد بالبيت وخايف من المواجهة
صدك راح تخسر ايامك بلاش ، هاي انا كدامك اكثر من حالتي ايد ورجل وسمعت " خطيه " لحد ما گلت بس شسوت
" خطيه " لا شربتني ولا وكلتني ولا عثرتني بالعكس خليتها كدامي حتى اثبت انا مو خطيه واكدر أعيش مثلي مثلهمريسان ادري اللي شفته واجهته شي مو قليل ، بس لازم اللي راح نخلي ورانا ونستمر لاجل امك ولأجل ابنك ، نفسك يا اخي الها عليك حق
اطلع من هل الحزن اللي مغرك نفسك بيه راح ما يرجع وخصوصا الموت ، ليش ما تحاول ترجع النجاره
إيديك الحمد لله سليمات ارجع اشتغل بالشي اللي كنت تحبه
وتبدع بيه واذا على حالة تشنج أعصابك ياخويه انت اكيد اعرف بروحك من تشوفك نفسك تعبت وكف
المهم خطوه خطوة راح كل هالخوف يروح"رجع لواقعه وهو يهز راسه موافق كلام خالد كأنه كدام اتقدم وبدا يحرك الفاره ببطئ حتى يكشط الخشب المتضرر شويه شويه حس بيده تخف واندمج ويه الباب اللي كدامه
لحد ما سمع يم بابهم الخارجي هوسه غفران اليوميه الصباحية المعتاده رفع راسه للباب وهو يشوفها مدنكه تحاول ترفع الحديده من جوه وابوها يصيح عليها
![](https://img.wattpad.com/cover/180580207-288-k772104.jpg)
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه