السلام عليكم
شتل عنبر
بقلمي Wasan Alsaad
البارت ١١٨
................................
" أنا بحاجه لان تمسك يدي بين يديك طوال الطريق
أن تأخذني من وجعي وهمي وتمضي بي بعيداً
أن تبعدني عن العالم ، عن الحياة ، عن كل شي وتأويني إليك "
منقول
.....................
طوفان من العواطف كان يجتاحها وهي تسمع دكات الانتركم زادت دكات گلبها عن مستواها المعتاد وهي تسمع صوته بعد ما علاء جاوبه
" ماشاء الله بسرعه وصلت عمي ، تفضل افتحت باب العماره "
دقايق وكان واكف باب شقتهم ولمحته وهو يسلم على علاء ويتحاضن وياه
وعينه عليها وعلى بناتها اللي مكعدتهم بزاويه مسيجه بسياج واقي لحمايه الاطفال
ويه ألعابهم
دخل وتقدم وكف كبالها مد ايده يصافحها
" شلونج بابا غفران "
عين عليه وعينها الثانيه على علاء
حست اكو خنكه وصرخه بداخلها صعدت لبعلومها حتى
صوتها مكدرت تطلعه مدت ايدها مجرد لامست ايده
وجاوبته
" بخير "
رادت تستوعب الموقف وردة فعلها تحججت باول شي خطر بالها حتى تبعد
عنهم
" عن اذنكم ابدل ملابسي "
مشت بسرعه باتجاه الغرفه حتى ما لحكت تسمع ردودهم
وصلت لباب غرفته وظلت واكفه وراه شافته شلون
اقترب من مكان وجود بناتها وكعد على ركبه حتى يصير بمستواهن
" هلا هلا بالحلوات طلع من جيبه حلويات حتى تثير انتباه الطفلات ويقتربن منه
رفع راسه لعلاء يسأله
اكدر انطيهم لو اكو مشكله "
جاوبه علاء
" لا تفضل عمي ماكو مشكله ، اشرله على البنات ذيج اللي لازمه طوبه
ريم واللي كاعده بالارض ديم
واول وحده اقتربت من ناداها وشرفت بيده الحلا ريم
وديم ظلت متردده وبمكانها لحد ما شافت الجكليته بيد ريم اجت وراها
شالهن اثنينهن وحضنهن ديم اللي بطبعها تستغرب ظلت تبجي ومدت ايدها لابوها
اللي اخذها واشر لمنذر
" تفضل عمي استريح"
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
