السلام عليكم
اشكركم جميعا لتهانيكم ولتفهمكم و اسفه لتأخري عليكم بالنشر واليكم البارت ان شاء الله ينول رضاكم
شتل عنبر
بقلمي Wasan Alsaad
البارت ٩٢
...............................
طفلين كنّا في تصرفنا
وغرورنا وظلال دعوانا
كلماتنا الرعناء مضحكة
ما كان أغباها وأغبانا
فلكم ذهبت وأنتِ غاضبة
ولكم قسوت عليكِ احيانا
ولربما أنقطعت رسائلنا
ولربما أنقطعت هدايانا
مهما غلونا في عداوتنا
فالحب أكبر من خطايانا
نزار قباني
....................
الغضب محرقه للنفس وأفه تأكل الروح قبل خلايا الجسد
كان يسحبها من عكس ايدها وهي تحاول تفلت منه الى ان سمعته يرد على اعتراضها
وطلبها بان يعوفها
" اش اش سكتي لا ادفنج هنا " احتقان وجه وعروك اعصابه البارزه
وخوفها لا يتهور ويطلع صوتهم و تصير مشكله خلاها تمشي وياه
دفر باب بيتهم الخارجي اللي كان فاتحه دفعها
وسد الباب بقوه بحيث امه الواكفه بالمطبخ انرعبت وشافتهم من شباك المطبخ عرفت
من منظرهم اكو مشكله اخذت فوطتها من على باب المطبخ وركضت بره شافته مستمر
يجر بيها لحد ما وصلوا يم باب الهول هنا غنى فلتت ايدها وركضت على خالتها
وهو اشر الهن اثنينهن دخلن جوه دخلتها شمسه وهو دخل وراهن وخله الباب مفتوح ، كعدت على الكرويته وغنى حاضنتها وكف متخصر كبالهن
وهو يرعد ويوجه سواله لغنى
" ما استحيتي على نفسج مخليته يتبعج بسيارته لحد باب بيت اهلج ، ما عندج احترام لأبوج او اخوانج "
توسعت عيونها وبالمقابل عيون امه وهي تحس بمقدار كبر الكلام وخطورته
" انت شكاعد تحجي فاهم اللي تكوله ، ثانيا منو اللي مخليته يتبعني "
ظل يدوس على اسنانه
" ولج وتنكرين شفته بعيوني بسيارته عبر من يم بابكم بس شافج دخلتي مشه سريع "
تدخلت امه
" يمه شبيكم ، حسين تخبلت شنو هل الحجي "
رد على امه
" يمه رحمه لموتاج لا تدخلين ، جاوبيني شعنده تابعج هيج ما مكفيته الكليه
جاي يوصلج للبيت "
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
