شتل عنبر

البارت ٨٢

السلام  عليكم

اعذروني  للتأخير  لظرف  طارى خارج  عن  ارادتي
وعذري  ان  البارت  طويل   يستحق الانتظار

شتل عنبر

بقلمي Wasan Alsaad

البارت  ٨٢

..............

"انت لن  تعرف  شيئاً عن  الخسارة  الحقيقيه
إلى أن تخسر   شخصاً أحببته   أكثر  من نفسك "

روبن  ويليامز

......................

لا أحد سينصفك   اكثر  من نفسك   ،  لا  يوجد  شخص
سينهضك   اذا   وقعت     يمسح   دموعك  آذا  بكيت 
يضحي  من اجلك    اكثر  من  نفسك
فكن اناني  في بعض الأحيان 
فلا ضير   في  القليل  من  الانانيه ....

..................

بطريق رجعتهم    مئات  من  الاسئله  بداخل   دماغ   منذر  لكنه  ما  حاول   يسأل   لان  يعرف  طبع  ابوه  مستحيل   يجاوب   اذا  ما كان   حاب  واله نيه يجاوب 

كل  شويه  يسترق  النظر   اله  ويشوفه  ضايع  بملكوت  الله   الف فكرة  وفكره  باله

قطع  عليه  حاجز  الصمت   خلف  وهم   يقتربون من  البيت

"  منذر  اي  سوال  لاي  كان  لا   تجاوب  وين  جنه  وشنو   اللي  صار 
وين    رحتوا   جوابك   واحد  ما  ادري 

ادري   بيك  تريد  تعرف  شنو  اللي  صار  وليش  بالذات   زهير 
اگلك  اصبر   باجر  اله نهار  يطلع واكعدكم  واشرحلكم 

خلينه   نطمن  على اخوك  والصباح  رباح  "

وهذا  اللي  جرى   من وصلوا   لكوا  فاطمه  ونوريه   كاعدات على  نار  ينتظرن    بالهول    امام  الباب  مباشرة
من  سمعن  صوت  الباب  ينفتح  كامن  على  حيلهن   باغتهن  خلف  قبل   لا  يسألن 
" شعدجن كاعدات  ليهسه  وانوب   جنج نواطير  (  حرس)    يم  الباب  "

تشاهدت  نوريه
"  اشهد   ان  لا  اله  الا الله ،  غير  ما  ظل  دم  يمشي   بعروكنه  من  طلعتكم تالي الليل
وانت  تعتب   شمالجن  وين  چنتم "

رد  خلف  السوال  بسوال 
"  وين  چنه  ؟  مسيرين   ولهنا  كافي  اسئله   الدنيا  نص الليل  والصوت  يصير  عالي  واضح  ،  زهير   شلونه  "

جاوبته

"  نايم    هسه   احسن   صوت  نفسه "

وهو  يتوجه   لغرفته
"  الحمد  لله   ،  يله  بويه  منذر    اخذ  مرتك  و روحوا  نامو   وانا  هم  اروح  انام    اليوم  تعبنه "

صعدوا    الزوجين   الشابين  ،  ونوريه  تبعت   خلف  لغرفته  كان  يفرغ جيوبه   ويعلك  بغترته   وعكاله  وهي    تدور  وراه