شتل عنبر

البارت الرابع

السلام عليكم

شتل عنبر

بقلمي Wasan Alsaad

البارت الرابع

واكفين انه وابوي. على  السده الترابيه.  اللي  صابره. طيان  ومطمسين للحزام ( لنصف طول. بني ادم واصل. الطين) نعاين على النهر.  اللي صاير. احمر. من كد ما جارف وياه طمه وجذوع.  وأغصان.  الروجه مالته تتراكض جنه  خيال وهاد علينه. وعنده طلابه (. مشكله ) ويانه   أعاين. لأبوي. اشوف   الحيره. بعيونه

سالته
" ها بويه. شنهي. تشوف.    شنهي الدبرة ( العمل) "

تنهد وكال
"  ربك اللي. يدبرها. يا خليف. ... الله. يستر. على عباده.   بس كود السده.   تظل. ما تضعضع
تمشي. وتصير. السوالف.    شيلوا.  جذوع. النخل. عن. رووس الشاخات ( القناطر. المستخدمة للبزل ) خلي. تتنترس  وشوفوا. اذا. بين البساتين. اكو.  بمجانات ( مكانات) ترك. ( فارغه من غير. زراعه )    فزع   الفلح. .   خلي. نفتح   الماي. عليها
المشكله. مو يمنه. احنه. كيعانه احسن من غيرنه. عاليه. بس   الخوف. على كاع عمك. ابو. سعد. وخوال. دحام واخوانه ( اولاد. ضمد من زوجته الثانيه. مجرد ذكر. اسماء )  هذوله كيعانهم. ناصيه. واذا. السده.  تفطرت.  ...."

كبل ( قبل ). لا يكمل ابوي كلامه. سمعنه صوت الفزعه. جاي من صوب. كيعان.  عمي ابو سعد.
والفلح بدات. تتراكض.

ابوي. صاح

" انا غلام ابوي.  أنهبنه (. بمعني. انا ابن والدي   ضاع.  تعبنه )  وعلي.   اركض يا خليف  واخذ. المساحي وياك  خل. نلحگ.  "

نركض. وسط الطين.  والوحل.  و بس رحمه الله.  اللي. حاميتنه  من الزلگ. من. السده. للنهر 
وصلنا. وريتنه  لا وصلنه.     الماي. مثل   الطوب ( المدفع).   نزل  بكاع عمي ابو سعد.  برمشه. عين. 
كل شي راح. والمحصول. اللي بعده. بسنابله ما محصود. غرگ

اتحزمت الوادم. فرد حزام. بس المصيبه ماكو شي   يكض الماي.   لا  الكاع. ناشفه. ونأخذ تراب ونردم. السد.
كمنه. نجيب. بالجذوع المكسرة عدنا. والكبار يصيحون. بالشباب.  يطيحون   نخله اثنين. لو.  يشلعون.
جسور الكناطر. هاي. اسرع. شي. 

واحد.   يشيل. بالطين. ويسد الردم. (. الفطر  او الجزء. المتهدم )  ويرجع. ينفتك  من غير.  ناحيه.  جبنه.  الجذوع. وخلينها مثل السد. وبين  الجذوع    نسد الفتحات. بالطين.

اكثر من. نص النهار  مر. ياله. كدرنا.   نوكف. الماي    لا ظل تبن. لاظل خشب  

وره ما وكف الماي. ياله  تمعنه باللي صار.    جن. الوكت.  وكف

چن. جنه.  بعركة.  وموش. ويه.    بني ادم. لو  حيوان.   وتعرف. منين   صوابه. الجتال

لا. تتعراگ. ويه الموت. نفسه. لو. ياخذ. عمرگ    لو. ياخذ.  حيلگ وتعبگ  وسهر. الليالي. 
وصبر. الأمهات.    وأمنيات. اهل البيت اللي. ينتظرون ليله ليله.     تثمر. الكاع. وينحصد التعب.
وتنترس. الوجوه فرح. كبل. ما    تدخل. الفلوس. للجيوب. الخاويه ( الفارغه)