السلام عليكم
شتل عنبر
بقلمي Wasan Alsaad
البارت ١٠٥
.................................
قبل البدء للتذكير فقط
ارجوكم رفقا بالكلام لا تنكأوا جروح الماضي
فمهما كان يبقى
" حبيب الامس وابو البنات ، وجد الاحفاد "
هذا رجاء من ام غفران لكم ......
.................................
بالروح الك مية جرح وحسبه لي حنيه
ومكابري يعذب الكّلب نيشانه بيّن بيه
وتحملت ضيم وقهر والوكت مر وتعده
يلما شفت منك مطر جس الدليل ونده
لكن فلا ارجع بعد لا ما ارد وانسه المضه
لكن فلا ارجع بعد لا ما ارد كلشي انكّضه
ولوصرت بس انت الدوه لا ما ارد وانسه المضه
للراحل ( زامل سعيد فتاح)
.........
صوت غفران الغاضب الهادر جلب خواتها وهن يسألن بفضول واكفات وراها ونظرهن يفتر على عمهن واخوهن وامهن اللي كاعده ومدنكه راسها ومغطيته بيدها
" شكو شصاير "
التفتوا كلهم على الثلاثه الواكفات مستغربات وكسرت الصمت فرح
" غفران شبيج احجي شصاير "
جاوبتهن وهو تفور وعيونها تريد تطك من العصبيه
" بشارة الجن هلهلن الوالد الحنون بعد طول غياب
هزه الشوك وحس بالابوه واجه يريد يشوفجن
وليش نجذب على ارواحنه يمته هو هتم لأمرنا
يجوز مو بحسابه وجاي جايب ابنه حتى يتباهى بيه كدام
اهله وعمامه "
شالت فاطمه عيونها على بناتها لاحظت الدموع متجمعه بعيونهن واول وحده نزلت دموعها وهي تتراجف ايات واجت كعدت يم امها وحضنتها وهي تكول
" شعنده جاي شيريد ، شهكت وهي تتوسل بأمها ... عفيه ماما خلي نروح لبيت خالو خاف جاي يريد ياخذنه وبعدين
هم يدور راسه ويتركنا مثل قبل دفنت راسها بيد امها
ما اريده ما اريد اشوفه الله يخليكم "
التفت غفران لعمها زهير
" سمعت بإذنك عمو هاي اثنين لا انا ولا ايات وهذني كدامك هم سالهن وانتِ فرح شتكولين "
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
