السلام عليكم
شتل عنبر
بقلمي Wasan Alsaad
البارت ١١١
.......................
اخذني وياك
جملني بعد قطرة واخذني وياك
الما يكلبك بلجي روحي تنام
عصفورة جرف بلل جنحها الخوف
اخذني وياك
امشي بغير واهس والطواري كصار
وعيوني غرب وجفوف ايديه وداع
واسمي بغير معنى وميل كحلك غاب
تنشدني عله قلبي
قلبي حب وذاب
يا قلبي حلك تنور لو سرداب
صوغني ولو من ليلكم نجمة تبات وياي
ولو طال السهر ويجيسها الوهواس
اغفيها الصبح والغبشة رشكة ماي
واشعلني ولع يذوي العطش بالروح
حتى انزع جلد روحي وأرد لصباي
ارد لصباي من يا صوت اصيحك والصدى يجاريك
واكلك ماكدرت يا التكدر بلياي
تراني مكدرت يا التكدر بلياي
" عريان السيد خلف "
..................
جسد مسجى على الفراش الدليل على ان هاي الانسانه عايشه هي صدرها اللي يعلى وينزل والدموع اللي تنزل متواصله من عيونها وهي مغمضه والكانوله بيدها موصوله بالمغذي الشي الوحيد اللي يدخل جوفها
هذا حال ايات بعد اسبوعين من استشهاد أيمن
كامت زينب من الكرسي القريب على سرير ايات بعد ما وصدقت وسدت القران خلته على الكوميدي وباستها من راسها
وطلعت وسدت الباب
فتحت خط تلفونها اللي كان صامت ولمحته يهتز بمكالمه من عمها منذر اللي ثاني يوم بعد ما اتصلوا بيه وحتى بعد انتهاء العزاء ما كدر يسافر ويترك بنته بهذا الحال
" الو ها عمي اي انا يمها حياك هسه افتح الباب"
فتحت الباب ودخل منذر وأخذته لغرفتها
قبل لا يفتحون الباب سالها
" شلونها اليوم "
جاوبته زينب
" على وضعها تحس بينا بس ما تريد تفتح عيونها
ولا تجاوب وي اي شي
من ثاني طيحه طاحت علينا بالفاتحه وهي على هذا الحال
انوب الدكتوره تكول لازم نرفع عنها المغذي ونحاول
تاكل طبيعي وهي رافضه شلون ما نعرف "
جاوبها بكسره على حال بنته
" الله المعين "
دخل وجر الكرسي قربه يم سريرها اكثر
وكعد مد ايده ومسح خط الدمع اللي ما ينكطع
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
