السلام عليكم
شتل عنبر
بقلمي. Wasan Alsaad
البارت ٣٣
ان. تعيش. مع. الذكريات ...
كأنگ تقف على اعتاب الحياة ..
لاتستطيع ان تعيش تتقدم. الى الامام. مع السائرون. بركبها
وليس. لگ. القدره. على إرجاع. عجلتها. للوراء لتعيد. أياماً كنت. تظن
انها. روتينيه. عادية. لكنها. مفعمه. بالحياة لان فيها. إشراقه.
وجوه. من احببت
بعد. مرور. شهر.
فتحت. باب. الغرفه ... جنها. فتحت. باب. الاحزان.
حيطان. غادرتها. انفاس. صاحبتها. اصبحت. بارده. موحشه وكيئبه.
عاينت على الفراش. مرتب. وگأن. محد. نام عليه.
من يوم ما هجرته. صاحبته
كل شي. على حطته. ما خله ناصر. اي احد. يشيل كشايه. من غراضها. او. يغير شي.
حتى مكينة خياطتها. وعليها. القماش المفصل. اللي. مشكل. بالخيط
على نفس وضعه. كل. اللي زاد. على. هاي الغرفه. هو. الفراش. المفروش. بالكاع بدل. كاروك. عنبر
مقابل. لمكان. نومة. حسنه. كان. يلقي. عليه جسده. المثقل. بالهموم
وعقله. المتخم. بالذكريات. ...
اقتربت منه شافته. متمدد ويمه. نفاضه. متروسه جكاير. وطلاكة. الشباك. اللي. فوكه مفتوحه. بس. البرده. مغطيته. وهو. مخلي. ايده. على عيونه
عاينت لحاله. ودموعها تجري. على حاله. رادت. ترد. منين ما اجت
بس صوته وكفها
" نوريه ... نوريه .. تعالي. يا اختي. "
كبل لا تلتفت. اله مسحت. دموعها. وردت. يمه كعدت
حبت. راسه
" كواك. الله. ابو خالد ... شلون حالگ. اليوم. عساك چويد"
كعد على حيله. ومسح. وجه بچف ايده وزفر. نفس حار
". شتشوفين. انتِ ... هاي. الحمد لله. نفس يصعد. وينزل "
تربعت. وكعدت. كباله وهي تحاول ما تبجي. كدامه
" حسگ بالدنيا كافي يا ابو خويلد ... خويه. شد حيلگ وگوي گلبك
جهالك. يردونگ. لا تحرمهم منك. وانت. عدل. كافي خطيه امهم .."
رفع. ايديه. ورجع. ذبهن.
" موش بيدي يا اختي احس گلبي مات. و روحي. ندفنت وياها ..
ادري حملج. ثگيل. نوريه. بس لا تركيهم. يا اختي. انتِ ام گلب الجبير محد بالدنيا. بحنانج
خليهم جوه. جناحج ... وادعيلي. يا لكلج. طيبه
بلكت. اكدر على مر. الصبر. واتحمل. فراگها. "
مسحت على جتافه. وزنده
" ادعيلك يا ابن امي وابوي. دوم ادعيلك .. ربي. يمسح على گلبك
ويصبرك لخاطر. هل الاطفال وتشد حيلك
خويه لا. تيه. روحك. بالحزن وتشتت. اولادك ... ترى من يوم ثالث. الفاتحه
واولادك. تقسموا. ادري. بيهن خالتهم. وموش. يكرهونهم بس. وين. اذا كل واحد
ربى بيت. وفيه. تگول. اخذ احمد.
وهيله تريد. تاخذ امجد وعنبر.
STAI LEGGENDO
شتل عنبر
Romanzi rosa / ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
