شتل عنبر

البارت الثامن

السلام عليكم

شتل عنبر

بقلمي Wasan Alsaad

البارت الثامن

مددت جسمي. على  فراشي.    حطيت راسي على المخده. مو راس. شايل لا. جني. 
نزلت. حمل. اجبال عن جتافاتي غطيت عيوني. بيدي  ونفخت.  النفس من صدري

" عساگ. بنار تحرگك  يا قويدر. مثل النار المشتعلة بصدري  بعد عملتك. اليوم وكلامك على بنت الناس
وخليتيني  اشيل. ذنبها.  ان جانت  المحبوبة.  حلم  تطرى على بالي.  بعد حتى. الحلم. صار. صعب
يارب.  ما سهل الا ما سهلت.  ... احو يا. نار گلبي. لو مخليني   مرغله بالتراب.  ومفوخ روحي بيه. "

وذكرت.  اللي صار   من. وصلت.  للمضيف وذبيت زلمة قادر  اللي  يتمرجل على النسوان مسحول
وانه الدخان. يطلع من عيوني. حتى ما خليت اعتبار.   اني. اصيح وهاد على مضيف عمامي
خذتني. الحميه. على بت  وحيده. كاسرها الزمن 

".  قادر. .. يا الظالم ... اطلع وينك .. من تتمرجل.   طلع مراجلگ. على الزلم. مو على النسوان "

طلع عمي ضمد.  وراه عمامي. اللي. كاعدين  يسلمونه حسابات كيعانهم. حتى يحسبون الأرباح والخساير. وقادر. وراهم

اجاني.  مثل. عادته. يهوبز.  ويصرخ
" هاولگ.  شعدگ جاي  هاد علينه مثل. ديج الهراتي  نافخ روحگ. لو.    القهر كاتلگ
لجن ابوي ما وده وراك.  بالحساب. هاي حتى. تعرف  انت. جادود عافيه.  لا غير. لا تناطح بالسحاب. العاليه"
و ضحك  ضحكته. الصفره.  التفتله عمي.
بصوت  عالي. سكته

" قادر شني هالحجي.  احشم. روحك.  رجع التفت ليه. وانت بويه خلف. ماهي.  الضنه بيك. تجي هداد. اذا الگ حگ تاخذ. بس.  كول وشنهي هذا الزلمه اللي جايبه سحل "

أعاين. لعيون. قادر. واذكر. كلام ابوي.  لاتخاف. من بنادم. ماعنده بس الصوت العالي.
اباوعله. بكل. عزم عندي. وارد على عمي

".  العفو منگ يا عمي.  بس. احجي هل الجلمتين لقادر.  وبعدين أجاوبك. على كل. اللي تريده. وشوف الحگ ويااا من  "

اسمع. ياقادر. يابن. عمي ضمد. يا  ابن چبيرنه. وچبيرنه من بعده

وخلي كل  الي يسمع. يشهد.

كل ظني الوادم. تعرف انه منو وابن منو. وانت منو. وأبوك منو.

وما أظن. واحد. ينكر. ان جدي وجدك خوان. خلايص

لا جدي. عبد عند جدگ ... ولا ابوي. فلاح عند. ابوك. اثنينهم. يردون لنفس. المنبع

لاهي عيبه ولا مثلبه( نقص). ان. جدي مات گبل ابوه وابوي ما ورث
هذا شرع الله. واحنه. ما نعترض على شرع الله ... ولا يعيبنه. لا انه ولا ابوي
انه. على كولتگ جواديد. عافيه. الزلمه.  رب العالمين. خلقه. يچد ويتعب ويطلع لگمة عياله
ماهو نايم للظهاري لو حاط كرسي  ويتآمر على خلگ الله.  الفقره
فكلامك مردود عليه. ومابيه شي. يعيبني   لو. يخليني  انزل راسي
الحمد لله.  اعتز. باهلي وعشيرتي  ومايهزني. الي عيرني بالدينار. والدرهم "