السلام عليكم
شتل عنبر
بقلمي Wasan Alsaad
ليس من الصعب ان تعثر على الحقيقه،
ولكن المشكلة الكبرى هي الا تحاول الهروب
منها اذا وجدتها ...
إتيان جلسوت
...........
الحقيقه كلمه يمكنك تنطق بأحرفها بكل سهولة لكن من تنطق بمحتواها
هنا تكمن الصعوبة ، صعبه ومره على اللي راح يواجه اول مرة
وراحه اللي راح يزيحها عن كاهله ....
تردد وخوف ممزوجه ويه لهفه ورغبه بمعرفه حقيقة اللي صار على ابوه
وياها اندفاع وعدم تهاون او سكوت هالمره لازم يضع النقط على الحروف
الاثنين المتوجه الهم مطالبين ان يضعونه في إطار
ما صار حتى لو رأفه فيه هم ساكتين ، لكن عنده شعور ان مواجهته للحقيقه المؤلمه اريح من التخبط بين الاستنتاجات ،
كل هذا كان يدور في بال ازهر وهو بطريقه للبيت
دگ الباب واجت امه مستغربه من عرفت صوته بعد ما سالت منو
جيته بهذا الوقت ،
" ها يمه شبيك شعجب جاي بهل وقت ، جا ودوامك بالمدرسة لا تگلي راح تغيب ...."
قاطعها
" يمه جدي وين "
" بالهول، ليش"
دخل بسرعه بدون ان يجاوبها وهي تبعته بعد ما شافت استعجاله كلبها علمها اكو شي
بالهول كان خلف كاعد وداير مدايره البنات يراونه نتائجهن الشهريه وهو يشجعهن
" عفيه بناتي "
رفع راسه من سمع صوت ازهر يناديه
" جدي"
اتنبه على ملامحه
" هااا بويه شخيرك "
بصوره مباشره وهو عينه بعين جده
" جدي منو ستار ، وشنو دخله باللي صار على ابوي"
غمض عيونه خلف وسأله
" منين سمعت هذا الاسم "
رد عليه وهو ينحني يمه
" مو مهم ، جدي احلفك بكل عزيز وغالي واذكرك بكلمتك انت وعدتني تحجيلي كل شي "
استغفر ربه بصوت مسموع وهز راسه
" استغفر الله وأتوب اليه ، ما منه مهرب بعد لازم تسمع ، انا من أتهرب واجلها رأفه بيك ، بس بعدنا على الوعد لاتسال على الاسماء كوم بويه"
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
