السلام عليكم
التاخير اللي صار كاتبه بارت ٨٠٠٠ كسور كلمه اجيت أنسخه من برنامج الكتابه علمود انشره بدل ما اضغط نسخ ضغطت مسح وراح تعب ساعات طويله هدر
حاولت استرجعه ياله رجعت ألفين و٢٠٠ كلمه وصار ساعتين اكتب ياله كدرت اكتب ٢٠٠٠ إضافيات
وهذا البارت عباره عن ٤٠٠٠ كلمه اللي كدرت عليه وباجر احاول أعيد كتابه الباقي والنشر أعيد وأكرر الفجر بتوقيت العراق وره المغرب بتوقيت امريكا
شتل عنبر
بقلمي Wasan Alsaad
البارت ١٠٩
..................
" تأكدي لن يبقى معكِ في النهايه سوى من أحبكِ بصدق،
ومن كتبه الله ليشارككِ الحياة ، فنقطة،
وأبدإ مع من يستحقكِ وحسب "
منقول
............................
كلمة بس عندي " شروط "
حفزت الادريالين عند الشابين الجالسين واحد عن بعد وهو من معرفته بأخته يتوقع نوع الشروط
والآخر الجالس مقابلها وكأنها داخل مفاوظات سياسيه لحل ازمه اقليميه
حس بريگه نشف اخذ كلاص المي من الصينيه اللي كدامه بلل ريكه وجاوبها بنفس ثقتها
" اسمعهن وأناقشج "
بانت على طرف شفتها ابتسامه حاولت ما تظهرها حتى لا تبين إعجابها برده
وهذا اول اختبار نجح بيه لان كان المتوقع الجواب للشخصيه اللي راسمته اله
انه مثل الطفل اللي تعود محد يگله لا فيظل مجلب بيه ويحاول يحصله باي طريقه
، راح تكون اجابته " كل شروطج مجابه "....
جاوبته
" اوكي ، شروطي او تكدر تكول طلباتي شويه الكلمة ارق مو ماديه مو لان الماده ما تعنيلي او مو مهمه بالحياة ونعيش على خبزه وبصل مثل كلام الأفلام لا ، بس خالة اقصد والدتك نقلت لماما كل الامتيازات اللي راح احضى بيها اذا قبلت بيك منها الشقه المستقلة
راح اكولك انا ما يهمني المكان اكدر أسكن حتى ويه اهلك مو مشكله عندي
لان الاستقلاليه ما تحددها الحيطان ، تحددها العقول والشخصيات
يعني لو انت وانا محددين إطار حياتنا ومخلين حدود لكل شخص حتى لو كاعدين ويه العشيره بكاملها محد يتدخل بينا
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
