السلام عليكم
شتل عنبر
بقلمي Wasan Alsaad
البارت ١١٢
.....................
هاي أنتِ الچنازه الفوك الچتاف
لو عشرت عمر غرب ضعنها
أنه ردتچ بعد تبقين وياي
وأچازي الوالدة الِحگها على أبنها
ولبيت الله أشيلچ مو للگبور مشي
والطيبه اجازي شويه منها
خفيفه جنازتچ يم حچي الثگال
يتنومس بيها حته الِدفنها
امي السالفه الِتحجيها الشيوخ
لدواوين الستر من يشتهنها
الابيض لبسته بدنياها مرتين
مرة گماطها ومرة بچفنها
وعد گالت للأسود موتك وياي
وصدك بالمغتسل فگت حزنها
من ذبن الشيله وفرع الراس
بخت شيخ ومضيف تبده منها
بشرع امي الِتغث جارتها بالنار
وأعز من الخوات الِجاورنها
عندها اللي يمد شوفه على جارات
دايس بيتها ومحتل وطنها
عند أمي المواصل دين مو دَين
حنينه تواصل الِما وصلها
عمر ما حسستني بلاية خوان
ولا چن غيري ما شالت بطنها
ما چابتلي أخو سوتلي صحبان
گلو خبزتها ما رضعوا لبنها
صاحب صاحبي بيمه تلگاه
واللي بيه ريحتي تلفه بحضنها
أمي اللي عاشرنها يجازن الطيب
المجازاة منها تعلمنها
ما خشنت خاطر حته للعوز
خذه سواراتها وما كض ردنها
من كد ما معزبه برمش العيون
تفرش للمصايب الِيجنها
اذا تذكر زينب تمطر خيام
وتظل تعاتب النوگ الِسبنها
حاولت اشتريها و گالي الموت
الجنه منيلگ تدفع ثمنها
( للشاعر احمد الذهبي)
..................................
بعد أسبوع
الحزن بظلاله الثقيلة مخيم على بيوتهم بعدهم ما استوعبوا
خسارتهم لريسان وابنه الشهيد ، داهمهم البين بهزه لجمت كلوبهم الملتاعه
صدمة مرض ام الكل نوريه وشوفتهم لحالها التعبانة
وتجرعها لعذاب الالم وهم عاجزين ما بيدهم شي غير
الدعاء ورحمه رب العالمين
الحياة كانت تمشي ثقيله بروتينها اليومي عليهم بس اللي مهون عليهم هو وكفتهم المتكاتفه سويه بكل شده ورخاء مثل ما تعودوا
كانت فاطمه وفرح واكفات العصر بالمطبخ يحضرن بالعشاء من وقت حتى ياخذوه لبيت زهير من وقت اللي ما فرغ من الاهل والاقارب والمعارف من يوم اللي شاع خبر
مرض نوريه فالكل أتعاون ان يشيل مهمه الطبخ عن
عنبر ونهله المتفرغات لمداراة نوريه
وكان الجانب الأكبر على نهله اللي تركت بيتها وكابلتها ليل ونهار و يتناوبن
عنبر وشمسه وياها
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
