شتل عنبر

البارت ١٠٧

السلام  عليكم

شتل عنبر

بقلمي  Wasan Alsaad

البارت  ١٠٧

....................

روحي ..؟ طريِّه وتشتهي
صوباط عنبك عالي
ردناك يا ديس العنز
وأمك تسوم بغالي

(  زامل  سعيد   فتاح)

..............

نسمات  الفرح  في  حياتنا  مهما قلت  او   قصرت  مدتها
تبقى   في  داخلنا   ذكرى  تثير   بسمتنا في  احلك  الظروف

كان  جواب  منذر   لابوه

"   اكيد     انزل    وخلي  ايدي  وره  إيدك  بيد   رجلها   وشد   عليه  وأوصيه  بيها   الله    يهنيها  ويسعدها

بس  يابه  ما  اعرف    انا  عندي  طلب  او  رجاء   واعتقد   انت  ما   تفوتك  هاي   السالفه    خلي    هسه  بس  خطبه 
وقراية   فاتحه   والمهر   وره  سنة  عمه  كلثم       ،   البنيه   هم   حقها   تفرح   وتسوي   حفله  "

رد   عليه  خلف 
" حجايتك هم   بمحلها   انا    ردتهم    يمهرون  بسكته   ،    بس  صدك  هم   البنت  حقها  تفرح  و الولد    هو   الوحيد   لابوه   من  حقه   يتونس هو    اهله   بخطبته

اتفاصل  ويه    اخوها  وعمها  وابلغ  ريسان     واتصل   بيك   علمود   الخطبه   واذا  ما تكدر    تنزل  بالخطبه  عادي   نسد   مجانگ   مو  اول  مره   "

غمض   عيونه    منذر   بالم   ورد 

"   الله  يحفظك   النه   حجي  ويدومك  فوك  رووسنه  بدونك  كلنه  ما  نسوى  لا  ان  شاء  الله  انزل    "

وهذا    الاتفاق   اللي   جرى   بينهم      وبين   ريسان

حددوا     يوم  للخطبه   وقراية  الفاتحه    بدون  اي  مظهر    للفرح    احتراما   لحزنهم  على  كلثم    وحفله    المهر   بالعطله    الصيفيه   بعد  سنوية   المرحومة

بيوم    الخطبه   تجمعوا    عمات    ايمن     ومرة ابوه         حسب   الأصول   المتبعة  رغم   هم  اهل   وكان     حاضر   ويه    فاطمه    نوريه     ونهله    رادوها   تكون   بأضيق  الحدود  

حتى     من  طرف  الرجال      ريسان   ما   جاب وياه  لان  هم   اهل   بس   فايق  نسيبه   رجل  غصون  اخته  وهو   هم    من   عمامهم   يصير    ابن   اخت   المرحوم    حسن   رجل   وفيه   يعني   ابن    عمة   ريسان  ومصطفى   ابن   دحام

وبوجود  ابوها    وزهير   وخالد     وحسين    تمت  الخطبه   وانقرت  الفاتحه  

بعد  ما    ازهر    بلغهم    بقراية  الفاتحه    راحت  نهله    وجابت   ايات  حتى  تسلم   على    خالاتها  وتتلقى   التهاني    ....