السلام عليكم
شتل عنبر
بقلمي Wasan Alsaad
البارت ١٠٠
...........................
رغم كل شيء نقوله ونكتبه
يبقى في القلب أشياء أكبر من ان تقال
محمود درويش
.........
عدة ساعات من الخوف عليهم وهم كل شويه يحاولون الاتصال بيه
ويطلع خارج التغطيه زهير رغم قلقه لكن يحاول يطمنهم
ان ابوه خارج منطقة الخطر لان بعده بالطريق
بعدها بكم ساعه اتصل ازهر وطمنه ان جده ( خلف ) اتصل عليهم بعد ما حصل إشارة لان طول اليوم وهو يمشي بأماكن ما متوفر بيها تغطيه وانه بخير
تنفسوا الصعداء ولو ظلوا كل الايام البقيه بقلق لكن تلفون منه
بين الحين والآخر يزيح عنهم الخوف
الى ان اقتربت أيام الزيارة وبدات المدينه تفرغ من سكانها
كان ايهاب كاعد مع صديقه فرات بنادي كليته يكلبون بأوراق للمحاضرات مالتهم
رفع فرات راسه عن اوراقه وجه كلامه
" اووف يعني هذا الامتحان الا ياجلوه عن وكته ويخلونه بهل الايام جا حالنه حال
بقيه الطلاب جرينه هاي الكم يوم ويه العطله الربيعيه
انا بالنسبه اللي باجر من الصبح اطلع ويه جماعتنا هم يله نلحك
وانت ما تغير رأيك وتجي ويانه "
رفع راسه ايهاب نزع عن عيونه عويناته ومسح وجه
" لا ما اكدر اروح السنه منو يظل بالبيت ابوي وخالي طلعوا الفجر
والسنه اخواني علي ومحمد راحو ويه ابوي تدري بحاله بهيج ازدحام ما نخليه وحده "
ساله فرات
" ادري وانت كبش الفداء ولَك هو منو يحمل كعدة البيت وسخره الأمهات غير الصغار
الحق انت تروح وهم يبقون "
جاوبه
" لا خطيه هم دومهم شايلين البيت عني من كبروا وافتهموا وكلش مشتهين يرحون
اذا بقينا احياء السنه الجايه اروح تمنيت ما مرتبط بدوام وكليه
جا تعنيت ويه جدي مشاي ، الله يكتبها النه ويرجعكم كلكم بالسلامه
مو تنساني بالدعاء "
ولان الطلاب قليل مداومين وإعدادالحضور قليل بس كم محاظره
اخذوهن وامتحنوا بعدها طلعوا على وقت والكليات بدات تفرغ
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
