شتل عنبر

البارت. الخامس عشر

السلام عليكم

شتل عنبر

بقلمي Wasan Alsaad

البارت ١٥

بزحمة  الناس والعرابين.  وسيارات الحمل.   اللي. يحملوها.  اهل السواعد. السمره. بالبضايع من السفن الراسية
على. ارصفة. ميناء المعقل.   طابور منظم.   من. الرجال.  يمشون منحني الظهر وهم يحملون عليه.  اثقال.   من الصناديگ. حتى يطلع. اخر النهار. بچم. فلس. يسد بيها قوته وقوت. عائلته
رغم.  ثگل. الحمولة على اللي شايليها على الظهر. بس اخف. من. هم العوز والحاجة اللي حامليها. بگلوبهم ...

اتحملت. اخر.   سيارة ويه.   نزول. شمس العصر.  وكفوا. الكادحين.  طابور. كدام. مراقب العمل حتى يأخذون. يومياتهم    وجوه متعبه.  محروكه من. الشمس.    لكن. رغم. البؤس اللي انخط على قسمات. وجوهم
وجوهم مبتسمه.  كل واحد بيهم يخفي وره  ابتسامته. قصه. تختلف. عن الثاني.

كل واحد. بيهم متلهف. يوصل. يم.  المحاسب. ياخذ.  يوميته وبس رب العالمين.  الأعلم. بنواياهم. او شنو. حاجتهم.
لهل. كم فلس.  اللي ياخذهن ويبوسهن ويخليهن على كصته  و اكو اللي ياخذهن ويحسب. بيهن. ويقسمهن هاي     لعشا اليوم.   وريوك باجر  والغده الله يدبره.  ... واللي. يكول الحمد لله دبرت ويه.  الباقيات    الحگ.    اسوي.   سكف. الصرفيه.    واللي.  ما همته الدنيا.  وبايعها. ومغيب عقله.  ويفكر.  بتعب يومه. يجيب  شرب.  يزيح عنه. هموم حياته. موقتا ...

لحد ما وصل. السره لشاب. اسمر. طويل   ما يختلف عنهم. بالمظهر. لابس.  قميص.   قديم
. وبنطرون. راكدات  من الشمس   وكثر الغسل. مولح لونهم. ولا ف على راسه. شماغه
اللي يميزه. قله كلامه.  ويه  العمال.  من. تطلع الشمس. لحد ما تغيب. بس. يحمل من غير. صوت او توجيه
ومحد.  أتجرأ.   يحجي وياه بشقى.  خزره من عيونه السود.  إلحاده  تكفي   ان تنطي.  انطباع
للشخص المقابل.  بقوة. شخصيته. 
مخلي حدود واحترام.   للكل.  بالنتيجة الكل.  تحترمه  صارله. اكثر من شهر  ونص وياهم. ما.اسوه. مشكله وأي واحد.

وصل. اله السره  وهو يمسح.  بجفيه. قماش طلعها من جيبه.  العرك الناضح من جبينه
وهو مجنف  (  طاوي ) ردانه  لحد.   العكس.  وطالعه السواعد السمره. تلمع ويه. شمس الأصيل. وهو رافعه ينشف وجه  من حراره. تموز.  

ساله المحاسب. ". اسمك "

جاوبه بهدوء حازم
" خلف جبر. ...."

رفع راسه. المحاسب
" ها. هذا انت خلف  .. هاك. هاي.  اجرتك.   مالت اليوم. حلال عليك. بس
اذا. تكدر وما عندك شي.  انتظرني شويه. بس اخلص.
حساب العمال  رايدك. بشغله. تفيدگ "

اخذ.  من ايد المحاسب.    قطع الخرده. وهو يحسبهن. وباسهن وخلاهم على كصته وحمد الله. على نعمته
ورد على الرجال
".  ان شاء الله انتظرك.   تلكاني واكف. يم عربانه  ابو الشربت "