السلام عليكم
شتل عنبر
بقلمي Wasan Alsaad
البارت ٩٩
................
إرجـع فبعدك لا عقد أعلقــه
ولا لمست عطوري في أوانيهــا
لمن جمالي لمن شال الحرير لمن
ضفـائري منذ أعـوام أربيهــا
إرجع كما أنت صحوا كنت أم مطرا
فمــا حياتي أنا إن لم تكن فيهـا
نزار قباني
.......................
احيانا عند شعورنا بالسعاده ، نحس بخوف مبهم لا نعرف معناها ولا تفسيره ...
الانسان مخلوق متناقض يحمل الأضداد دائما بشكل غير مفسر
في عز الفرح يشعر بالخوف على فرحه ، من القادم المجهول
وعندما تتحقق مخاوفه يكبر عنده شعور انه نذير شؤوم
بلحظة اللي سمعت كلام ازهر كان بعده ما موكف السياره فتحت الباب تريد تركض وتتأكد اخذ بريك على السريع رغم كان يمشي على البطيء
ركضت بدون وعي على باب بيته المفتوح دخلت وزينب اللي وصاها ازهر تتبعها وراها
وكفت بنص الحديقه وهي تسمع بجي كلثم والنسوان يجي من الهول المفتوح بابه
قبل يومين بس من نفس المكان اللي يجي منه صوت البجي
كان مليان بهلاهل كلثم وضحكهم وهوسه الصغار من بنات منذر وخوات غنى الصغار وهن يفترن بدلاتهن اللي خيطتها شمسه
تفرح بيها البنات على عرس ابنها
والبارحه وهي تفر بعيونها على الحديقه من وره المغرب جانوا اثنينهم كاعدين على المرجوحه الموجوده يم السياج الفاصل بين بيت زهير وبيتهم وهم يسولفون اجاهم من وراهم صوت زهير
وهو ماد راسه من السياج
" ها ولكم شكاعد تسوون "
التفتوا عليه
وحسين جاوبه
" وانت شكو منو مسلطك عليه روح شوفْلَك شغله غيري ابتليت صرت خالي"
جاوبه زهير
" مشكلتك مو مشكلتي بعدين لا تنسى خالك وخالها وانا حر بيكم ، بعدين بس انا امجد اتسلط عليه ما خلاني أتنفس ، لازم اتسلط عليك "
رد عليه وهو يسحبها من ايدها ويكومها
" ما لازم بويه كومي اوديج لاهلج صار بيها تسلط ويريد ياخذ ثارات امجد بيه "
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
