السلام عليكم
شتل عنبر
بقلمي Wasan Alsaad
البارت ٩٠
.....................
ملذة الدنيه صاحب زين
يبرنْ بيه المغمجات
ويكزبر بالعتب جلده
للصحبه خلگ ينراد
الحبل لصويحبگ مده
وحنْ حنت فصيل النوك عليه
لو فارچگ مدة
ما يتهيأ المسنع بوگتگ هذا
من تلگالگ مسنع
على زندك حرز شده
( مرتضى حرب )
.........................
دكات متتاليه على الباب بهذا الوقت المتأخر خلت خلف يكطع قراءه قرانه
ويتجه صوبه سال
" منو"
اجاله الجواب
" انا خالي "
وجود صاحب الصوت الي عرفه خالد خلاه يقلق اكثر فتح الباب وبلع ريكه قبل لا يسال
" هاااا خالي شجابك بهل الليل ابوگ لو عمتك بيهم شي "
خالد اللي ما يعرف يفسر الوضع هو خايف بس مايريد يفاول على ابوه خصوصا وضعه الصحي
ما بيه شي
" اعذرني خالي كعدتگ ، بس ابوي طلبگ وطلع من جيبه العلگ ومده لخلف
ويكول الاخوه معكوده باسم ابو فاضل للمنية "
ناوشها اله وخلف بيد مرتعشه اجه ياخذها لكنها طاحت من ايده دنك عليه
لكه علك من وصلة قماش خضره حالها جيد لكن محفوظ داخلها قطع قماش خضره صايره خيوط عرفها المن تعود تذكر حادثة العلك من كانوا هو وناصر اطفال
رايحين ويه ابو خلف لاول مرة لمركز المدينه وام خلف شدة على زنده علك
وهو حتى بدعوات امه حب يشارك ناصر تقاسم وياه العلك وشده على ايده
ومن يومها انعكدت مواثيق الاخوه للمنيه باسم رمز الاخوه الصافيه ابا الفضل
لملم الخيوط ولفهم بالقماش وجاوب خالد
" روح لابوك لا تخليه وحده وانا هسه جاي وراك "
بعده خالد يفتح باب بيتهم الخارجي سمع خطوات مشي وراه التفت شافه خاله
جاي مسرع دخلوا وسأله خلف
" وينه "
اخذه باتجاه الديوانيه
دخلوا لكوه متمد ومغمض عيونه تقربوا منه ما ارتاحوا الا من شافوا صدره يرتفع وينخفض بالتنفس
سمعوا صوته
" ها خالد رديت"
جاوبه
" اي بويه وهذا خالي وياي "
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
