شتل عنبر

البارت التاسع

السلام عليكم

شتل عنبر

بقلمي Wasan Alsaad

البارت   التاسع

واكف ويه  الوادم. اللي مگابله  باب مركز الشرطة و كل. شويه. شرطي يجي ينهر. علينه
حتى. نتفرگ.  ونروح.  لبيوتنه   ....  واحنه كل. اللي نسويه نرد. ليوره.  شويه بعيد عن المركز
بس نشوفه. ألتهه  بغير. شغله نرد لمچاناتنه ما بدينه شي ولا نكدر.  ننشد
بس  نتفكر. بعيونه   كل شويه شرطي. داخل  للمركز. وبيده.  شاب. لو زلمه مكبلج.  
لو.   مرة.  اجت. سياره حمل. محمله    شباب. بعمري وعمر ناصر. وشويه اصغر.  واكبر 
دخلوهم تدفع. 

اسمع. شايب. كاعد . متكنبص على رجليه. يحجي ويه صبي كاعد يمه

"على هذا حجيهم. اليوم. يفرغون. الطايفه من.  الشباب. ....ولگ بويه.
شلون. نرد  وامگ شنكلها   تريد. اخوتك مني  ...ساعه السوده. تركت. الهور. وعيشتي  وعيشة هلي
واجيت. ادورلكم علام. "

حجيت بگلبي. اي والله حيره صارلي من. ذاك. الضحى وهسه شويه.  وتغرب الدنيه. وماندري. شنهي السالفه ومحد ينطي نشده   شكول لعمي. ضمد  اللي دكيتله صدري  ...

شويه. واشوف. مزهر.  وسعد.  جاين  صوبي
وكفوا حذاي

سال. سعد

" ها بشر. شتبين "

جاوبته وانا امسح وجهي. 
" شبشر   كل اللي كدرت. افهمه.  كارفين. شكو.  واحد. يعرفونه شيوعي.  لو قومي
جي. اشتركوا.  بالمضاهرات. والحكومه مانعتها وفارضه  حالة الطوارى.  لجن.
اكو متظاهرين. رامين. بطاله  بيها نفط ونار  ( زجاجه. حارقة ) على. مراكز شرطه.
بهواي ولايات.   وبعد الله اعلم.  شنهي غايتهم
وهل. تشوفون الوادم. على فرد وكفه. من.  الصبح. ليهسه
وماكو. خبر "

ورث مزهر  جكارته  بدون. لا يحجي اشرلنه بيده نتبعه
مشينه وراه شويه.  ابتعدنه عن المركز.   وكفنه. يم   دكان. كال
" اوكفوا هنا. محد بيكم. يتحرك. داخل شويه   اشتري. باكيت. دخان ( جكاير)
وارد الكم "

دخل وانه من كد ما زهكان وطالعه روحي  ادردم. لجن ما بيدي حيله
" بله هذا شتحجي وياه  هسه وكت تتن وجكاير "

رد عليه سعد. اللي. جرله   سكملي (  كرسي) من خوص. وجريد النخل.  من هذا بس.  كشن ( مقعد) بلا  مسند ظهر.  خاله ابو الدكان بالباب.

" اه بويه. ما بيه شده للوكفه... على كيفك.  خلف لا بسرعه تزهگ. شبيدنه. على
ناصر.   اللي صار   بعد صار. ما يفيد. اللوم. لو. الاعصاب.
ومزهر تعرفه.  يطلع.   حركة. روحه.  بالدخان. ما يحجي. ويعصب
بس يظل. يورث وحده برأس الثانيه. .. لا تستعجل.  مزهر ما طول. اجه ودخل روحه
معناه عنده.  وسيله يوصل بيها. .. يا خوي.  ماهو غريب عليك هو. ابن عمك ومعلمك ما تعرفه
بحر. غميچ ما يحجي عن اللي براسه أبد"