عشق ليليان 💥💕

💕1💕

تمشي فالطريق و تغني مع الكيت حتى شافت خيال طوموبيل حبست قدامها تخلعت و بقات تشوف مع الطفل الي نازل منها بقات حالة فمها فيه كتلة إغراء جاي ليها قنبلة زين متوجهة نحوها corps muscle باين من تحت الشوميز لي لابسها و الكوستيم يقهر و شعرو الاسود مرجعو على جنب و لحية خفيفة سمورية خفيفة عينين شهل و شوافر يدبحو ... فيقها من سرحتها لما وصل عندها و قال
- وشبيك حابة تموتي ؟ ما تموتيش قدامي و نحصل فيك ... مرة الجاية شوفي مع الطريق .. فهمتييي ( علا صوتو و هي فاقت و اطلقت العنان للسانها هههه)
- اااي وش حاط روحك ما شفتكش هادي هي الحكاية ما ديرليش محاضرة ... مرسي كي ما قتلتنيش ( تبسمت باسهزاء و مشات )
يشوف معاها كفاش احتاقرتو و قاتلو كلام هكدا و مش هو الانسان لي يقولولو هكدا تجنن من كلامها كان ماشي وراها ناوي يربيها على كلامها اما شاف الساعة ( نفخ على جنب )
- احمدي ربي راني روتار ولا نخليك تبكي
ركب الطوموبيل و كمل لدار جدو ... بعد ما خلاتو كملت طريقها تمشي لدار جدها و تخمم فوليد عمها لي جاي عندهم
- زعما يكون متكبر كيما سالم(جدها) .. ايييه باينا هادي قالو تربية يديه فولة و تقسمت على اثنين .. ربي يستر قلبي مش مطمني اليوم
كملت طريقها وصلت قدام القصر شافت نفس الطوموبيل حلت عينيها مستغربة كملت دخلت شافت العايلة كامل ملمومة فالصالون ... عمها و مرتو مقعدين طفل بيناتهم و يحضنو و يسلمو و هو يتبسم .... دخل جدها موراها تخطاها كانو مش موجودة ... حل يديه على وسعهم وصل عندو عنقو
- مرحبا بوليدي لعزيز نورة دارك و بلادك
- تعيش جدي .. منورة بحضورك
- هكا يا وحيد كون ما تشحتكش ما تجينيش
- خلاص جدي ما نزيدش نروح قررت نستقر هنا و نخدم معاكم فشركة العايلة
- لالاااااا .. مستحيييل .... Impossible .... Jamais ...( دارو كام مخلوعين يشوفو فيها )
- مهدي : هدي نتييييي!!!! ..وش جابك هنا راكي تبعي فيا ؟
- ام مهدي : مهدي وليدي تعرفها ؟؟
- ليليان : ايه طاطا ..اا.. لالا شفتو غير قبيل كان رايح يقيسني ب طوموبيل
- ام مهدي : ( راحت ليه تجري ) وليدي كشما سرالك كشما بيك ؟
- اب مهدي : هدا تلاقاك من اول مرة دار اكسيدون كون يشوفك كل يوم وش يصرا ( هدرها بتڨعير)
- بصح..(قص عليها سالم )
- روحي لشومبرتك مزال وقت لعشا نقولولك تجي ( كان يخنزر فيها كيما كل مرة )