دخل اسامة لبيرو ... وراه كريم و عادل ... قعدو و باقي اسامة رايح جاي
- اسامة : احكيلي وش صرا بالتفصيل
- عادل : يعني نتا خاطيك ... ( تخنزر فيه اسامة ) ... اوكي
- بعد ما سمع كلش : عايلتو ... عايلة بن جابر
- كريم : لالا ... عبدوو ...
- اسامة : راهو فالحبس كريم
- كريم : تمسخر ؟؟ ... فالحبس مي عندو يدين برا
- عادل : كاميليا ... بلاك هي
- اسامة : شكون هادي ؟
- عادل : كانت شريكة معانا .. و دور بزاف بمهدي ... غارت من ليليان تفاهمت مع عبدو عليها ... و مهدي فاق بيها ... خرجخا من حياتو و من الشركة ... و آخر مرة حكية معاها مزالها مش مستسلمة و راي ناوية على الشر
- اسامة : هادي كامل درك ويز تهدرهاا ؟ ... كريم روح درك جيب اتفه معلومة عليها .. نحب كلش قدامي منا لصباح
- كريم : اوكي ... انا نروح صحا
- عادل : و درك كفاش
- اسامة : غدوة نروح عند عبدو ... اكيد راح يقولنا حوايج بزاف على كاميليا
- عادل : ان شاء الله
خرجو الزوج ... عادل بقا قاعد فالصالون يستنى فليليان و اسامة راح لبيت ابتسام ... طبطب و دخل
كانت متكية على السرير و دموعها نازلة و ابتسام قاعدة فجنبها و صحن فحجرها
- شافت مع اسامة : شوف وش راهي دير فروحها و محبتش تاكل
نحالها الصحن حطو فوق الكوافاز و قالها تخرج ... قعد على السرير و يفوت فيدو على شعرها و يحكي
- اسامة : ليليان ما ديريش فروحك هكا .... مهدي راح نلقاه فاقرب وقت ... بصح تاكدي مش انا لي اديتو ... صح منحبوش و خاصة انك خيرتيه عليا ... بصح ما نحبش نعدبك ... فكرت فيك و انسحبة على خاطرك ... ليليان ... ليليااان
-تقعدت و رمات روحها عليه حضنتو و قوات فالبكية : راح تحزس عليه !! ... راح تلقاه !! ... خويا حبيبي عيشك عاوني ... اوقف معايا ... منقدرش وحدي ...
- اسامة : راني معاك ... اسمحيلي على وش عانيتي بسبابي ... من اليوم مراحش ناديك ...
- ليليان : مسامحتك ... مسامحتك دنيا و آخرة ... عندي اخ واحد و نزيد نغضب عليه !!
YOU ARE READING
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
