عشق ليليان 💥💕

😍77😍

- عادل : بصح المرة هادي سبقتك ب 5 سوايع هههههههههه
- ليليان : ههههههههههههه
- كامي : ليليان و نتي شحال فعمرك
- ليليان شافت مع الساعة : عندي 19 ساعة و 20 دقيقة ملي قفلت 24
مهدي عينيه تحلو يعني البارح كانت تبكي لسبة هادي .. البارح كان عيد ميلادها و هي ساهرة وحدها
- عادل عنقها : joyeux anniversaire اسمحيلي ماكنتش عارف
- ليليان : مرسيي عدولة .. عادي منلومش عليك و شافت مع مهدي اللي كان ساكت حشم منها عرفها تحكي عليه ... وقف
- مهدي : اسمحولي درك نجي
- كامي : مهدي وين رايح
- مهدي : درك نجي
عادل و ليليان كملو يحكيو يضحكو .. كامي تتافاف مش عاجبتها القعدة ... صونا تيليفون ليليان لقاتو امين
- ليليان : اسمحولي ... وقفت عند الباب و تحكي و تشوف مع مهدي اللي كان هو تاني يحكي فالتيليفون
- امين : ليليان وين راكي
- ليليان : اني برا فكافي علاه؟
- امين ليلي ازربي ارواحي درك للنادي لازم لازم الحالة ما تعجبش .. كوبا التيليفون و هي بقات حالة فمها
- ليليان : اولوووو .. الووووو .. امين وش كاين ... بقات تعيط و تعاود رايحة جاية فنفس البلاصة تيليفونو تغلق وش دير كفاش تعرف وش صاري .. رجعت عند عادل ..
- ليليان : عادل لازم نروح
- يشوف فوجها مبدل وقف : وين .. كشما صرا !!
- كامي: نشاله
- عادل تخنزر فيها و عاود شاف مع ليليان حكمها من كتافها : ليليان وشبيك وش صرا شكون عيطلك
- ليليان : معلبليش لازم نروح و نشوف
- عادل: اوكي .. هاو مهدي جاي درك هو يوصلك
- مهدي : وين ؟
- عادل : جاها تيليفون و راهي مقلقة و قالت لازمها تروح
- مهدي حكمها من يدها: وين تروحي ... شكون عيطلك
- ليليان الخلعة راح تقتلها و زاد عليها هو طاحت دمعة من عينها : معلبليش اديني لنادي ... مش مالف يعيطولي الوقت هدا
- مهدي هز يدو مسحلها الدمعة: خلاص ماكاين والو درك نروحو و تشوفي ... عادل انا نوصلها هيا مبعد
- عادل: متنساش تعيطلي