خرج مهدي و هو مش مصدق هدرة سالم ... راح عندها لشومبرتها .. دقدق قاتلو ادخل
- مهدي : ليليان
- وقفت و تشوف معاه باستغراب : ااه مسيو تفضل
مهدي قفل الباب و راح قعد على البونك و اشرلها تقعد .. قعظت و تشوف معاه تسنى فيه يحكي .. شاف معاها مليح
- مهدي : ليليان ... اهدري الصح ممكن نعاونك
- ليليان : مفهمتكش .. علاوش تهدر ؟
- مهدي : بواش هددك جدي
- ليليان بلعت ريقها و بعدت عينيها عليه : نظن علابابك
- مهدي : ايه قالي جدي بصح خاب نسمعها منك
- ليليان : هداك هو الصح .. نقدر نعرف علاه راك تسقسي
- مهدي : حبيت نعاونك .. بصح فالحالة هادي ما نقدرش
- ليليان وقفت و تبسمت .. دموعها راح يطيحو تخبي فالبكية : مرسي على اهتمامك ... باينة ما تقدرش تعاوني ... هههه حفيدو راح تكون كيفو
زربت دخلت للسالدوبان و حاكمة فمها بش ما يسمعش بكيتها .. مهدي استغرب فهدرتها هو اصلا ماهو فاهم والو ... هي تحكي على موضوع و هو موضوع آخر ( س ء التفاهم يسبب اكبر المشاكل ) .. خرج و خلاها
_______________
-اسامة : صبااح الحب
- ابتسام حلت عينيها و تبسمت : صباحووو
- اسامة : هيا نوضي الكسولة راح الحال و نتي راقدة
- ابتسام : حابة نزيد شوية برك تعييييش اسومتي خليني ( عاودت غمت راسها فالمخدة )
- اسامة : نوضييي توحشت حبيبتي
- ابتسام : هههههههههه ... مش مالفة نوض هكا ما تكترش عليا
- اسامة : هههههه هيا نوضي ولا نوضك انا
- ابتسام : جرب
تبسم ابتسامة ششششررر و تسوفييج .. نحالها الغطا و هزها
- ابتسام : هههههههههه هبطني المهبوول
- اسامة : مهبول بيك ..( دخلها الدوش وقفها ) هيا ليه ليه نستناك التحت تشوفي الاخبار ( باسها من خدها و خرج )
كملت غسلت و لبست و هبطة ... قعدت قدامو مدلها الجورنال و شعللها تيليفيزيون ... تشوف التصريح
- ابتسام : ايه هكا ما صرالهم والووو .. و عبدو هداك مزال عايش حياتوو اوووف
- اسامة : راكي غالطة عبدو راح تبقابو الفضيحة ... و كي تبرد الضرية نمدو الفيديو لابوليس .. مش راح نخليه يهرب منها
YOU ARE READING
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
