عشق ليليان 💥💕

💕43💕

- زادت قربتلو كتر : معليش نحب نوقف معاك
مهدي صبر نفد حكمها من كتافها و زير عليها و قريها ليه و حط عينو فعينها
- واحدة خامجة و موسخة كيما نتي ما نحتاجهاش فحياتي باي صفة
سلمى شافت ليليان جاية طلعت يديها لوجه مهدي و حطت شفايفها على شفايفو
ليليان لحقت عليهم حست موس تغرس فقلبها
- انا نستنى و هو مش قاعد لي
مهدي ما توقعش وقاحتها بعدها عليه ... شاف ليليان واقفة ... شاف مع سلمى و زاد شاف مع ليليان ... ليليان حبطت عينيها بش ما تفيقش بروحها ... جاي جيهتها .. قبل ما يوصل مشات داخلةة للقصر و مش معبرتو ... تزرب فخطواتها بش ما يلحقهاش
مهدي وراها دخلت ولات تجري ... طلعت فالدروج تجري و دموعها نزلو ما قدرتش تحكمهم كتر دخلت لشومبرتها و غلقت الباب بالمفتاح ... قوات فبكيتها حاطة يدعلى فمها تكتم فشهقاتها و يد مزير على صدرها جيهة قلبها .... تحس فنار شاعلة
مهدي بعد ما لحقها لقاها قفلت الباب... دقدق ما حبتش تفتح ... مش وقت تشوف منظر هداك باينة تفهمو بالغالط ... اي انسان يشوفهم يفهم نفس الي فهمتو ليليان ... من جيهة فرح كي شاف ردة فعلها ... عرف الي هو ياتر فيها و تغير عليه ... و من جيهة واجعو قلبو عليها مش ناقصها هم فحياتها .. نظرة الي فعينيها قسمتلو قلبو ... و حالتها كانت تبين الي هي تاعبة و هو زاد على ما بيها
كان واقف بجنب الباب تاعها و يخمم ... حتى لقى الباب تحل و ليليان لابسة شورت و توب كلاكات فرجلها و هازة شعرها طوماطيشة و وجهها بارد ... استغرب فيها .. يعني ماعندهاش 5 دقايق كانت قدامو و حالتها مبدلة .... ليليان شافتو قدام الباب رسمت ملامح البؤود عكس النار الي داخلها تخطاتو و مشات ... فاق بقى يتبع فيها بعينيه لقاها خارجة نزل وراها
ليليان راحت سلكت الطاكسيور و هي راجعة قبل ما تدخل حبستها سلمى
- سلمى : واش نشوف فيك فاطنة مليييح ... نظن المرة الجاية نزيدلك لادوز بش نتهنى منك حياتي كامل ...( غمزتها )
- ليليان ضيثت عينيها فيها : يعني بسبتك الدوخة هادي كامل .... ههههه للدرجة هادي اثرت علسك و وجودي كان مقلقك فالحفلة ( كانت تحكي و تخبي فالعاصفة الي داخلها )
قاطعها صوت مهدي : ليليان
شافت معاه بنظرة ما تعبر على حتى حاجة.... نظرة انسانة فقدت الامل من الانسان الي تشوف فيه