عشق ليليان 💥💕

💕20💕

- ام مهدي : خليييه ما تبداش فنفس الهدرة المهم رجعلي ولدي
- ام سلمى : ايه فرحنا بيك بزاف ... ( شافت مع سلمى ) نعتابرك كيف ولدي عبدو
تبسم يعرفها مليييح وش تحب ... كمل فطورو وقف خارج وصل قدام ليليان نزل لمستواها همسلها فودنها
- الازرق ( خرجت شهقة صغيرة و شافت معاه ... تبسم )
- رفد روحو عليها و شاف معاها : ليليان هيا نروحو مع بعض
- ليليان توترة : اااه معليش ....معليش مسيو مهدي نجي فطاكسي كيما مالفة
- ليوم عندنا اجتماع مهم و مالازمش تتعطلي و معايا توصلي على الوقت
- اوكي ... تبعتو تمشي وراه و تبربش فساكها ... حتى تلقى يد جبدتها من حزامها .... هزت عينها لقاتو مهدي يشوف مع كل تفاصيل وجهها .... وصل لعينيها سرح فيهم لونهم يخليه يتامل فيهم ساعات و ما يملش .... حشمها بعدة عليه و تحمحم
- شوفي قدامك قريب طحتي فالدرجة
- ااه اوكي مرسي
سبقتو لطوموبيل و مشاو
____________
كان قاعد سالم و ولادو اب عبدو و اب مهدي فمكتبو .... دخل عليهم عبدو يلهث باين كان يجري .... وقف يرد النفس و هوما يشوفو معاه يستناو فيه وش يهدر .. عينيهم تتسائل
- عبدو : رجع....رج..ع.. رجع اسامة جدي
- وقف سالم مصدوم و الخوف على وجهو : وشنو ... صرا لي كنت خايف منو...
- اب عبدو : عبدو قولي وش عرفتو عليه .... وين راهو درك وش راهو يدير وش ناوي
-عبدو هبط راسو : للاسف .... ماعلبلناش ... عندو سمانة ملي رجع للبلاد
- اب مهدي : اااو سمانة و ما فقتولوش ... رانا نخدمو فلحمير هنا ولا واش
- عبدو : عمي اسمعني ... هو مش حابنا نعرفو انو رجع ... لكن فالوقت الحالي قرر يخبرنا ... خلالنا دليل ... تقدر تقول راهو يقولنا ... استاعدو للمواجهة ... و الباقي مكان حتى خبر عليه
- سالم : لازم نلقاوه لازم ... ليليان راكم تراقبو فيها؟ ... يكون قابلها
-عبدو : لالا ... ما قابلهاش و الوقت الحالي راهي مع مهدي تخدم ... يعني اي حركة منو مهدي يفيقلو
- اب مهدي : بصح علابالكم مهدي ما يعرفش الحكاية ... و حتى مهدي لازم يبقى بعيد عليه ... لانو ولدي و نعرفو مستحيل يرضى بوش رانا نديرو و يوقف معاه ... و فهاديك اللحظة حنا نكونو انتهينا
سالم : راقب ليليان حتى و هي مع مهدي
-عبدو: حاضر