قدمت ليه كتر و حطت عينيها فعينيه
- ليليان : هدا والو ....مزالتو تعانيو كتر من هكا .... ربي يخلص فيكم على اليتيمة الي عدبتوها
حكمها سالم من شعرها .... حطت يدها على شعرها و غمضت عينيها من قوة الوجيعة ... حاصرة دموعها
- سالم : تزيدي تحلي فمك لسانك نقصهولك
دزها و خلاها هزت راسها طاحت عينها فعين مهدي ... كان يترجى فيها .... يطلب فالسماح ... زربت هربت عينيها و طلعت لبيتها
مهدي ما قدرش يحكي مع جدو .... احترامو ليه كبيييير و يحسبو كيف باباه ... قتلكم تربية يديه
- مهدي : ما ديرو حتى حاجة ... درك ندير مؤتمر و نكدبو الخبر ... و لازم تكونو كامل حاضرين ... و بالنسبة لابوليس .... ما يقدرو يديرو والو ... الفيديو مسحتو و ما يقدروش يرجعوه ... يعني ما عندهمش دليل
طلع مهدي لبيتو .... رايح جاي فيها و يسب فروحو لي شافها تتضرب و ما قال والو
ليلبان طلعت لبيتها ترمات فالارض .... ما غاضتهاش الضربة ... عادي مش اول مرة يضربها .... غاضتها الي مهدي ما دافعش عليها
- ليليااااان وشبيك هكا .... علااه تسناي منو يدافع عليك .... وش تكوني بالنسبة ليه .... لكان قرب ليك راهو غير على غريزتو .... ايييه هو والف بالبنات الي يتراماو عليه ... يشوف مع وحدة كيما انا ؟ ههههه مستحيل
هزت روحها من الارض ... تبسمت
- وش صرا مع عبدو هههههه ..... راني شاكة فاسامة .. ايييييه هو ... شكون غيرو
راحت تجري لدريسينغ جبدت من ورا قشها صندوق صغير ... فتحتو و جبدت ورقة ... تبان رسالة ... رسالة حفظتها من نهار وصلتها و هي تقراها و تعاود .. هاد الرسالة وصلتها قبل عام كانت هي و مؤوة يمشيو حتى خبط فسها واحد حطلهالها فالساك و مشا ... هي ما شافتهاش فاللحظة هاديك و كي روحت شافتها ... من نهار قراتها و هي متأملة ... تقرى فيها و تتبسم كيما كل مرة و وسط تبسيمتها تنزل دمعة
مضمون الرسالة
*** ليليان يا نور عينيا ... الرسالة راح توصل بسرية ... و ما تقولي لحتى واحد بلي وصلتلك ... حتى اعز اصدقائك .... كاينة حقيقة نتي ما تعرفيهاش ... سالم راهو يكذب عليك ... ماهوش خاطفني ... ما قدرش يوصلي راهو يتبع فيا من بعيد ... راهو يهدد فيك و يقولك بلي يقتلني كان درتي حاجى ما تعجبوش ... هو راهو يدير هكدا على جال الدراهم ... مش كي راكي بنت غير شرعية هاداك سبب راهو يتخبى وراه
VOUS LISEZ
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
