عشق ليليان 💥💕

😘150😚

رجعو للدار كل واحد فيهم ساكت و يخمم ... طلعت لبيتو هزت تيليفون فيه تصويرتو قعدت فاللرض ضامة رجليها لصدرها و ظهرها عند حافة السرير ... تشوف مع تصويرة و تحكي .. دموعها ما حبسوش
- ليليان : وينك حبيبي وين رحت ... وش صرالك ... راح نموت من خوفي ... ارجعلييي ... ارجعلي و ما نزيد نطلب والو .....
حطت راسها على ركبتها و كملت تبكي
عادل بعد ما دخلو للدار خلاها على راحتها عارفها مش راح تحبس بكا حتا هو لازمو يقعد يفكر فكش حل ... و وين راح يحوس عليه خاصة انو عادل مش موالف بدزاير كان يجيها غير بش يحوس ... قعد فالجنينة فالظلام جبد سيجار يتكيف و يفكر ...
عندو اعداء اعداء الفترة الهادي و ممكن اي واحد منهم يأديه ... اسامة ... عايلتو .... عبدو ... كاميليا
مخو تحرق من التخمام ... شاف الساعة لقاها 5 تاع صباح و ضوء النهار بدا يبان ... رفد روحو و طلع عند ليليان طبطب و فتح الباب ... لقاها فنفس الوضعية و تشهق بالبكا ... قعد قدامها فاللرض و حط يدو على كتفها
- عادل : ملازمش تكوني ضعيفة هكدا ... البكا مش راح يفيدك ... كان جا مهدي هنا مش راح يحب ضعفك هدا ...
- شافت معاه مدة ... هزت يدها تمسح دموعها : حتا مهدي قالي متزيديش تبكي و انا قتلو ايه ... بصح ما قدرتش ... معنديش كفاش نوصلو ولا نسمع اي خبر .. ايييه لازم نتقوى بصح مكانش حاجة ايجابية نعتمد عليها
- عادل : ليليان راح تعاونيني ... نتي تعرفي دزاير خير مني و تعرفي ناس خيرمني ... درك نعاونك انا و نلقاوه ان شاء الله ... خلي املك فربي كبير
- ليليان : ايه ايه ... راح نلقاوه ... قولي و درك وش نديرو
- عادل : نوضي اغسلي و ارواحي التحت نقولك
ناضت ليليان لسالدوبان غسلت وجها و عاودت طمت شعرها كودشوفال ... خرجت قابلتها مرايا كبيرة شافت روحها من فوق التحت .... شمت تيشيرت ... راحت لبيتها و نحات قشها ... لبست دجين نوار و اديداس نوار و تركو صوف نوار ... وجها صفر ... نزلت عند عادل قابلها رافد فيدو صحن فيه سندويتش
- عادل : كولي ليليان هدا وش قدرت ندير بزربة
- ليليان : منيش قادرة ناكل عادل ... كولو نتا
- عادل : ايه هاهوك تاعي ( اشرلها لطابلة ) .. ناكلو كيفكيف ... ولا مناش خارجين منا ... مهدي مش راح يحب اللقطة هادي منك
- ليليان : تعمرو عينيها بالدموع من جديد ... كان يحرص على ماكلتي و يحبني ناكل مليح و يتاكد بلي كليت ...

😘😘😘😘