عشق ليليان 💥💕

70👍

- ليليان : اوكي كي نجي من الخدمة نرفد قشي
خرجت تجري لحقت مهدي .. قبل ما يركب الطوموبيل جبدتو من يدو
- ليليان : مهدي العشية نرفد قشي و ندير وش قالي .. منيش حابة نديرلك المشاكل ..
-مهدي فوت يدو على شعرو زاد هبط لوجهو يركح فروحو : ليليان واحد ما يخرجك من شومبرة .. هدرت و ما نعاودش .. كفاش انا ندافع عليك و نتي تخاممي فمشاكل .. خلي يصراو مشاكل
ليليان تشوف و عاجبها الحال .. حست بانو كاين اللي يدافع عليها ... هي هكاك و جاتهم كاميليا
- كامي : معدي رايح للشركة نروح معاك معنديش وش ندير هنا
- مهدي : اوكي اطلعي .. ليليان اطلعي تروحي معاي
- عادل : كامي ما تروحيش خلي نروحو ندورو شوي .. تواحشت دزاير
- كامي : امممم.. لالا
- عادل حكمها من يدها : هياااا مجيناش بش نتخنڨو فالشركة ..( يجبد فيها موراه و دار لمهدي غمزو . و شاف مع ليليان و تبسم ) .. اتهلااا مهدي مبعد نشاله
- كامي : اوووف يخي صامط
مهدي و ليليان طلعو مع بعض طريق كامل ساكتين مهدي راح يطرطق من وش راهو صاري .. كاينة حاجة وحدة مش فاهمها علااه راهو يديرلها هكا و هي علاه راهي ساكتة .. وصلو للبيرو دخلو و هي فرحااااانة من موقف مهدي .. نهارها كامل تخدم و ما هدرتش معاه غير فامور الخدمة
- ليليان : ويي
- اسامة : ليليان نورمالمون كاين صفقة جديدة راح يديرها مهدي جاتني من مصدر موثوق
- ليليان : وي كاينة بصح ما عنديش معلومات عليها .. راهي سرية بزاف و نظن راهو يحكي معاهم هو شخصيا و ميكلفنيش انا ... المهم اكيد راح يجتامع بيهم و نعرف كلش عليهم
- اسامة : هيا مليح مالا مبعد نحكيو
كوبات ليليان و حطت يديها على وجها مغطيتو و تستوعب وش راهي دير
- سامحني اسامة .. سامحني مش من طبعي نخون و نخدع ... مهما يكون حقنا و انتقامنا بصح ما نقدرش ... هي هكاك وقف عند راسها راجل ما تعرفوش هزت راسها
- ليليان : تفضل
- الراجل : مسيو بن جابر طلبني
- ليليان : معندكش موعد من قبل اعطيني اسمك درك نقولو
- الراجل : قوليلو لي طلبتو من نص ساعة على امر شخصي درك يعرفني مش لازم الاسم
- ليليات باستغراب : اوكي ... رفدت تيليفون و قاتلو وش قالها الراجل قالها دخليه ... شافت معاه و هي مش فاهمة وش راهو يخبي مهدي
- ليليان : اتفضل راهو يستنى

******
اممم في رايكم شكون هاد الراجل ؟؟ .. سكون بخصوص الصفقة الجديدة ؟ ... وش رايكم ؟ ... وش راهو يدير مهدي .. و ليليان راح تقدر تخون مهدي و تعاون خوها ؟ ..