مهدي بعد ما خرج من عند جدو دار دوش خفيف لبس دجين و تريكو v ابيض دومي مونش اديداس بيض لينات فوق شعرو و ساعة هز فاست خفيفة فسدو و خرج كان الجو دافي بدات تدخل الربيع قعد فصالون و يعيط على عادل
- عادل : اولو
- مهدي : وي وينكم جيتو تشوفوني ولا واش؟
- عادل : صااار و انا لي تقول منعطلوش على خدمتو
- مهدي : ههههه وينكم نجيكم
- كامي : مهدييي رانا قاعدين فكافي غلى البحر اروااح
- مهدي : اوكي راني جاي ..
- عادل : اولووو مهدي استنا
- مهدي : خير اهدر
- عادل : جيب معاك ليليان
- كامي خبطتو على كتفو : وشبيك نتا مريض
- عادل : سكتينا كامي ... الو مهدي سمعتني .. جيبها ولا متجيش
- مهدي : اوكي
مهدي كان طالع عند ليليان شافها هابطة و تخربش فتيليفون كانت لابسة دجين مقطع ( التصويرة )
- مهدي : ليليان
- ليليان : وي
- مهدي : هيا تروحي معاي خارجين ندورو
- ليليان : شكون نتوما؟
- مهدي : انا و عادل و كامي
- ليليان : كامي؟ .. ااا لالا منروحش مرسي ...( فاتتو و جات ماشية و هو داهش فيها كفاش رفضت كي عرفت بكامي ... مبعد حبست و خممت علاه تخليلها الفرصة تكون معاه لازم هي تستغل الفرصة ... دارت شافت معاه ) .. نقولك نروح نروح
- تبسم و وقف فوجها : اممم ماشي قلتي متروحيش ( غمزها ) وش بدلك رايك
- تبسمتلو نففففس التبسيمة: مممم ماشي نتا عرضتني ؟( غمزتو ) وش راهو مقلقك
- مهدي : هههههههه هيا قدامي هيا
مشات قبلو و طلعت فطوموبيل .. حب يكسر الصمت و تفكر نهار شافها تشطح
- مهدي : منين تعلمتي الرقص ؟
- ليليان : اااا
- مهدي : اااا؟ جاوبي
- ليليان بلعت ريقها : من النادي
- مهدي شاف معاها مستغرب : نادي ؟؟ وشمن نادي !!
YOU ARE READING
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي