عشق ليليان 💥💕

100

بعد ما كملت راحت عندو لبيتو بش تفرزلو قشو لقاتها فارغة خرجت لبالكون تحوس عليه شافتو من بعيد كفاش سارح و يخمم .. فهمتو و خلاتو على راحتو .. رجعت دخلت و رتبة كلش فبلاصتو .. شافت الساعة كانت 22:00 عاوظت طلت عليه كان مغمض عينيه يبان راقد و النسمة باردة هزت شال و خرجت عندو .. كان غايس فتخمامو مغمض عينيه و يرتب فافكارو اللي ما لقالهاش حل حس بيها تحطلو على كتافو فشال حل عينيه تبسم جبدها من يدها جات قدامو قعدها على حجرو ... حطت راسها على كتفو و خنست عندو مدة و هوما ساكتين كل واحد فيهم حرب افكار في راسو ... لاف يديه عليها و رجع راسو اللورة خرجت منو تنهيدة تهد جبال ... قلبها وجعها عليه راهي تحب تصارخو و تهنيه من هاد التخمام .. هزت راسها تشوف معاه بعينين دابلة
- ليليان : ندخلو ؟
- مهدي شاف فيها : حابة ترقدي ؟
- ليليان : ايه و الجو بارد هنا
- مهدي هزها بين يديه و هي دورة يديها على رقبتو : هيا نروحو
- ليليان : هههههه نزلني نمشي وحدي
- مهدي : منيش نسمع فيك
- ليليان : ههههههههه
وصل بين ليشومبر شاف معاهم مبعد نزلها و فتحلها باب الشمبرة تاعو ... دا رلها براسو تدخل عندو .. ليليان حشمت و نزلت راسها
- ليليان : ااااا نورمال نرقد فشومبرتي برك
- مهدي : اوكي تصبحي على خير ... دخل و غلق الباب
حستو تقلق منها بصح مزال مش متعودة ترقد معاه و خايفة تضعف تصرا حاجة مش في وقتها .. دخلت لبست بيجامة سروال و تريكو و تمدت على سريرها ... بقات تتقلب مش عارفة ترقد حست روحها تواحشتو و تحب تشوفو ... كانو تواخشة حضنو و ترقد عندو ... هزت روحها و راحت لعندو تشوف مع الباب و مترددة تفتحو ولا ترجع ... بعد ما صارعت عقلها فتخت الباب و دخلت على راس صباعها بش ما يفيقش .. كان راقد على جنب راحت للجيهة التانية و راح تتمد جنبو حتى لقاتو تقلب و قابلعا بضهرو ... تبسمت عرفتو فايق بسها و يدلل عليها ... وقفت فوق السرير و سوطات للجيهة التانية و قبل ما يتحرك دخلت راسها فرقبتو و حطت يدها على صدرو بش ما يبعدش .. همست جنب وذنو
- خلاص مقدرتش نرقد
تبسم و جبدها ليه لصقها فيه و حاوطها بيديه و رقدو