عشق ليليان 💥💕

💕36💕

- ابتسام : هدا شراب ؟
- قدم ليها مليح دبل عينيه و جاوبها بحنانة : ايه شراب ... و بلاما تقولي علابالي ما تشربيش.... بصح الليلة هادي تشريي معايا ... شوية برك ما ديرلك والو ... هكا حبيبي ؟
- ابتسام : بصح ...
قبل ما تكمل ..قدم ليها و حط شفايفو على شفايفها بدا يبوس فيها بحنانة و هي جامدة .. قلبها فرحان بصح عقلها مش مريحها ... بقى يبوس فيها و هي مغمضة عينيها بدات تلين ... حطت يديها على صدرو و كبشت فكول تاعو ... طلع يديه على طول ظهرها من تحت الفوق وصل لكتافها ... هبطلها كتاف الغوب بشوية ... فاقت على الحالة الي راهي فيها ... حلت عينيها على وسعهم بعدت فمها عليه وفعتو بيديها من صدرو ... بصح هو كان تقيل عليها و اصح ...تشوف مع وجهو و الدموع فعينيها .... عينيه دابلين و الشهوة متغلبة عليه
- ابتسام : عبدو
- عبدو : ابتسام ... وشبيك ارجعي عندي
- ابتسام : عبدو ( دز فيه من صدرو و هو مزيرلها على ظهرها و حاشرها ليه ) ... اطلقنييي ... وش راك دير... عدبو مانيش حابة
- عبدو : هههه بصح انا حاب .. هادي شحاااال و انا حاب .... واليوم ندي وش نحب
طبعها جات راقدة على ظهرها و حاكملها يديها .... هي تبعد فيه و تترجى فيه و دموعها شلااال .... عبدو الشهوة و الرغبة عماتو هبط لرقبتها و يبوس و فرحان ... حست روحها ضعفت ما قدرتش تقاوم اكتر .. رجعت راسها لورا و غمضت عينيها ... جات صورة باباها و يماها بين عينيها ... حلت عينيها ... لازم تفك روحها ... متستسلمش ... دورة عينيها لقات فاز جنبها .... رخفت روحها معاه بش يرخف يدو ... هو بدا يرخف ... و هي زربة جبدت يدها و هزت الفاز دربتو على راسو
- اااااه.... ( ناض من فوقها و حاكم راسو ) يا **** ليوم ****
حاكم راسو و فاقد توازنو مغمض عينيه و يتحلف و ابتسام وقفت بزربة عدلت الروبة ... شافت معاه و دموعها شلال
- كنت حاسبتك راجل ... حبيتك و مشيت معاك بنيتي ...
راحت تجري هزت بوشات و مونتو و خرجت ... تجري فالطريق و دموعها سايحة مكياجها راح ... وصلت لدارها طاحت فالارض تبكي بالصوت و تتحسر على قلبها الي تجرح .... وقفت راحت دارت ظوش و ترمات السرير ... حبت تهرب من وجيعتها
عبدو بعد ما راحت ابتسام هز التيليفون عيط لصاحبو جاه .... وصلو للوبيتال نظفولو الجرح و عملولو راديو ما صرالو والو ( كون غير مات ) رجعو للدار نظفها صاحبو و قعد معاه
- شفت وين وصلت روحك للمشاكل
- عبدو : وشمن مشاكل ؟ ... راك خايف كشما دير ؟ ... هههههه خوافة و ضعيفة بزاف ... منزيدش نلقاها فطريقي