عشق ليليان 💥💕

128

- اب مهدي : علاه جييت
خلص هدرتو شاف مهدي مع الباب لقا لابوليس داخلين تبسم على جنب و اشرلهم بيدو ... دارو كامل يشوفو ... الدم جمد فعروقهم وقفو كامل و راحو ليهم
- سالم : تفضل
- الشرطي : هنا السيد عبد الرحمان بن جابر
- عبدو : ايه ... ( عادل كان نازل فدروج و يحكي بكل ثقة ... وصل ليهم ) ... تفضل انا هو
- شرطي شاف مع رجالو وامرهم براسو راحو ليه و حطولو ليمينوت فيدو : عندنا اوارم بالقاء القبض عليك
- اب عبدو : كفااش وش دار وش كاين
- سالم : تقدرو تقولولنا وش كاين علاه وش دار
- الشرطي : تقدرو تلحقوه و تفهمو وش كاين ... خرجوه
مهدي محكا حتى كلمة باقي غير يشوف مع مهدي لي كان طالق روحو على فوتوي و يتفرج ... هوما مخرجينو و ام عبدو جات تجري وراه و تبكي و تجبد فيه حكموها بسيف ... بعد ما خرج دار اب عبدو لمهدي
- اب عبدو : وش درت ااه هادي من خدايمك
- وقف و عدل حوايجو وقفت معاه ليليان تتبسم حكمها من يدها و مشيها وراه : العقوبة لافلاس الشركات ... و لكان ولدك خامج لازمو يتحاسب على خماجو ... كشي كي سلكتو المرة لي فاتت معناها مش راح نخليه يتحاسب ... كنت مخبيهالو ... و اللي حب يتحداني يجرب و يشوف وش يصرا فيه
خلاهم واقفين مصدومين معندهمش وش يقولو ولا يدافعو حتى من سالم و مقدرش يجاوبو عندو الحق يكرهم ... فهاد اللحظات كامل تاكدو اللي مهدي عرف الحقيقة و راهو يعاقب فيهم
ركب فطوموبيل و يستنى فيها تركب بقات واقفة مبعد فتحت جيهتو
- ليلي : انزل
- مهدي : وشبيك ليليان اطلعي بركاينا من اللعب هدا
- ليلي : قتلك انزل
- مهدي : اوكي ... هاني نزلت غير الخير
سوطات عليه حضنتو بكل طاقتها .. حتى فقد توازنو و دور يديه عليها تبسم و باقي يستنى فيها وش دير ... غرست راسها مليح فرقبتو و طبعت بوسا خفيفا و طلعت لودنو
- تهمس : سمحلي حبيبي .. غيرتي عماتني .. نحبك
ترهوج من بوستها و حب يغرق فيها بصح تفكر اللي هوما قدام القصر ... زير يديه عليها و طلعها شوية بيديه بش يعاونها .. همسلها بنفس الطريقة المغرية اللي شعلتو بيها
- نحبك يا روحي ...
بعدها منو و طلعت فطوموبيل ... احسن ما تبقا قريبة
*******
دربتولي ليلي و مهدوش بعين حتى صراتلهم هكاك اليوم 😠😠.... غيارااااات 😪