عشق ليليان 💥💕

55💕💕

اسامة دار ليها جات العين فالعين ... عينيها تعمرو دموع حتى هو مكانش قليل .. هز يديه و فتحهم
- ارواحي عند خوك
ليليان راحت تجري ليه عنقتو بكل جهدها دموعها نزلو مش عارفة تهدر من الفرحة ... حتى هو مزير عليها خايف تروح منو ... قلوبهم راح طير من الاحساس الي حسوه .. احساس الاخوة الي مهما حبيت و مهما جربت مشاعر فحياتك يبقى عندو رونق خاص ... عندو لذة خاصة ... حب الاخ لاختو .. و حب الاخت لخوها .. حب نقي و مقدس يتولد من صلة الدم مزروع فالقلب من اول ما يجي الاخ فالدنيا ... مهما تكون خلافات و غيرة يبقى كاين كاين .. ( حبو خواتكم ااا لبنات مديروش كيفي 24 ساعة الحرب بيناتنا 😂😂 ) معنقها و يشم فريحتها لسانو تعقد الكلام الي كان راح يقولو كامل راح ... بعدت عليه شوية و حكمتلو وجهو بين يديها
- ليليان : هكا ديرلي .. هكا دير لختك الكبيرة .. تخليني نستناك الوقت هدا كامل
- اسامة : سامحيني سامحيني خليتك تتعدبي السنين هادو كامل هددوك بيا ... حياتك ضاعت فسبتي انا
- ليليان : اشششش ما تقولش هكا ... كون يعاود يهددوني بيك نستسلم مرة اخرى على جالك كلش اليهون كلش
- اسامة يمسحلها فدموعها و يحكي : خلاص حبسي بكا ... و ارواحي نقعدو و نحكيلك يزااااف حوايج ...
دارت شافت ابتسام الي عنيها شلال من منضرهم ... شافت مع اسامة تسال فيه بعينيها فهمها و جاوبها
- اسامة : نقدملك ابتسام ... حبيبتي
- ابتسام مدة يدها ليها : متشرفين ليليان
- ليليان حضنتها : متشرفين ياا مرت خويا هههههه
ابتسام حشمت و هبطت راسها و اسامة ظحك ... قعدو كامل و اسامة يحكي لليليان
- اسامة : ليليان ... كيما تعرفي سالم ما كانش راضي على ماما و منع بابا يتزوج بيها و على هادي بابا خرج من الشركة و بدا من جديد بدراهم ماما و كون ثروة فوقت قصييير بعدها عرفو بلي ماما بالحمل يعني نتي ... كي سمع سالم قالو نقبلك تتزوج بيها بشرط نضمو الثروة لبعضاها و نوليو شركة وحدة ... بابا قبل لكن اسهم الشركة نث لبابا و نص لسالم ... و بعد ما خلقت انا جدي تقلق و خاف نولي وريث للشركة و طبعا قال لبابا تكتبلي اسهمك بش نمد لخاوتك معاك و لكن يابا ما قبلش لانو هادوك دراهم ماما ... بقا سالم سنييين و هو يحاول فبابا و فالاخير سالم قال لبابا كون ما تمدليش دراهم نقتل ولادك