عشق ليليان 💥💕

149

- عادل : ليليان اقعدي هنا و انا نروح ... شوفي حالتك ... وجهك صفر من الخلعة و راكي ترجفي كامل ... رايحي هنا ...
- مكملة خارجة و تهدر : عادل مكالاه تحاول مش راح تحبسنيي ... هيا عادل طولنااا
لحقها عادل و خرجو مشاو شوي فطريق و ليليان تمشي كيف المهبول ... غير تلوح فخطواتها ... دموعها نازلين شلال تمسح فيهم بكف يديها و تشوف من جيهتين تحوس على اي طاكسي ... مع الليل صعيب يلقاو ... لقاو طاكسي ركبو و ديراكت ل كوميساريا
- عادل : السلام عليكم
- و عليكم السلام ... تفضلو
- تهدر بلهفة : راح نسقسيوك ... على حوادث سير صراو فهاد العشية هنا على مستوى الولاية ؟
- مدام مفهمتكش ... علاش راكم تحوسو بالظبط
- عادل : صديق من العشية ما سمعناش خبارو و تيليفونو مغلوق مقدرناش نوصلولو .... قلنا بلاك اكسيدون
- ايه صراو اليوم 3
- حطت يدها على قليها .. بلعت ريقها و هدرت بالسيف : و مهدي ... مهدي بن جابر
- مدام كاين 2 معرفناش الهوية تاعهم ...
- عادل : علاه. .. كفاش فهمني
- خاطر الطوموبيل اللولة شعلت فيها النار كي خبطت فالحيط ... تحرق لي كان يسوق و وجهو ما يبانش مليح و وثائق تاعو تاني تحرقو
- ليليان : و .. و ثاان... ثانييي
- الثاني الطوموبيل خرجتلو على السيطرة على حساب الشهوظ و بش تجي اقل اضرار خرج من طريق طاحت على جرف انفاجرة ... السائق تشوه وجهو و الوثائق مزالو فالموقع ملقاوهمش
- ليليان : عادل ... مهدي مكانش ... مهوش هنا هيا نروحو
- عادل : ليليان
- ليليان : قتلك مهوش هنا ... قلبي يقولي راه لباس عليه ... مصرالو والووو
- مسيو اعطيني نوع السيارة لي راكم تحوسو عليها
- عادل : *******
- قلب ورق قدامو و طلع راسو يكمل هدرتو : مدام ... مسيو .. لي تحوس عليه مشي منهم ... نوع الطوموبيل مكانش عندنا ...
- تنفست و ترسمت تبسيمة صغيرة ففمها ... شافت مع عادل : قتلك ... مهوش هنا ... هيا نخرجو عادل راح نتخنق هنا
- وقف عادل : مرسي حضرات ... ( لحقها برا )
- عادل : هيا نرجعو للدار و الصباح نكمل نحوس ... رانا فنص الليل و معندناش وين نسقسيو ...
- ليليان : اوكي