عشق ليليان 💥💕

153

- ليليان : اسامة هنا ؟
- ابتسام : اا...
قبل ما تكمل بعدتها بيدها و دخلت لحق كريم شافت معاه هز يديه فالسما تاع منيش عارف ... زادت شافت مع عادل و دخلت وراهم
- واقفة فنص الصالون و تعيط بكل صوتها : اسااااامة ... اخرج هنااا ... وينك ...
اسامة لي كان فبيتو كي سمع الحس نزل يجري ... استغرب من ليليان ... كمل الدروج و وقف قدامها ...
- اسامة : ليليان وش هاد العياط ... وش كاين
- ليليان : وش كاين ؟؟؟ .. راك تسقسي فيا وش كاين ؟ ... زعما ما تعرف والو ؟
- شاف مع كريم : وش راهي تهدر وشيا الحكاية !!! ... و هدا شكون
- كريم : بون هدا صاحب مهدي و شريكو ... و منيش عارف وش كاين رمات روحها قدام طوموبيل و قاتلي دار اسامة جبتها
- ليليان : اوكي انا نفهمك ... مهدي وين ؟
- اسامة : وين ؟
- حطت يدها على راسها و دارت لجيهة تانية و مغمضمة عينيها ... عاودت دارت ليه : اسامة مهدي ما لقيتوش .... اعصابي راهي منهارة .... قولي وش درتلو ... منيش متحملة كثر
- اسامة : و انا وين عارف ... من نهار جيتي معاه معاودتش شفتو ولا حوست عليه
عادل حكم ليليان من كتافها و قعدها على الفوتاي ... دار يشوف مع اسامة و يحكي
- اسامة علابالي نتا و مهدي ما تفاهموش ... شوف حالتها كفاش .... كان كشما درتلو اهدر على خاطرها الطفلة راي فحالة ما تعجبش
- اسامة : وقيل مراكش فاهم وش هدرت .... قتلك ما درتلو والوووو ... و كان درت مش راح نخاف و نهدرهااا
ابتسام قغدت قدام ليليان و جبدتها ليها ... حضنتها و تمسحلها على شعرها
- ليليان تبكي : وين راح وين نلقاه ... راح نهبل ما قدرتش نفكر ... يكون كشما صرالو ؟ ... يا ربي كان عاقبتني بحاجة اخرى علاه مهدي علاااه
- اسامة : كريم .. عادل ... تبعوني
- ليليان : اني جاية وين رايحين
- شاف معاها : احكمي بلاصتك ... ابتسام اتلهاي بيها شوفي حالتها كفاش .. درك نرجعو
- ابتسام : اوكي ...